O, digər dörd Xarici İşlər Nazirliyinin rəsmisilə birlikdə ABŞ-a casusluq etməkdə ittiham olunub
Şimali Koreya ölkənin lideri Kim Jong Un ilə ABŞ prezidenti Donald Tramp arasında baş vermiş zirvə müzakirələrinə rəhbərlik edən səlahiyyətlilərdən olan Şimali Koreyanın ABŞ-dakı nüvə nümayəndəsini edam edib, – “Reuters” xəbər verir.
Cənubi Koreya qəzetinə istinad edən “Reuters” bildirir ki, Kim Hyok Chol mart ayında Pyongyang-da Mirim hava limanında edam edilib. O, digər dörd Xarici İşlər Nazirliyinin rəsmisiylə birlikdə ABŞ-a casusluq etməkdə ittiham edilirdi, – “Chosun İlbo” qəzeti gizli saxlanılan mənbəyə istinadən məlumat verib.
"O, ABŞ-ın niyyətlərini düzgün qiymətləndirməyərək, müzakirələri zəif təqdim etdiyi üçün ABŞ-a casusluq etməkdə ittiham olunurdu," – mənbə qeyd edir.
Trampla Şimali Koreya lideri arasında son zirvə görüşü fevral ayında Vyetnamın paytaxtı Hanoy şəhərində keçirilib. Görüş heç bir saziş imzalanmadan sonlanıb. Səbəb olaraq ABŞ-ın Koreya yarımadasının nüvəsizləşdirilməsi tələbi və Şimali Koreyanın sanksiyaların qaldırılması tələbi olub.
“Reuters” müstəqil olaraq xəbəri təsdiq edə bilməyib. Öncələr də təmizləmə siyasətinin tərkib hissəsi olaraq Şimali Koreyada rəsmilər edam edilib.
