hava limanı

Mənbə: google.az

Başlıq: hava limanı

Rusiya təyyarəsi bomba təhlükəsinə görə Bakıda məcburi eniş edib

Məqalə yeniləndi:  11 Mart 2019

Bəhreyndən uçan təyyarədə 225 nəfər olub

Bəhreyndən Moskvaya uçan “Ural Hava Yolları” şirkətinə məxsus “Airbus A321” təyyarəsi bazar ertəsi Bakı vaxtı ilə saat 14:56-da Heydər Əliyev Beynəlxalq Aeroportunda müvəffəqiyyətlə eniş edib.

Bu barədə Heydər Əliyev Beynəlxalq Aeroportunun mətbuat xidməti məlumat yayıb.

Məlumatda bildirilir ki, qəza enişinə səbəb – təyyarə kapitanının təyyarədə bombanın olmasından şübhələnməsi olub.

Hava limanının bütün qəza-xilasetmə xidmətləri həyəcan siqnalıyla ayağa qaldırılıb və hazır vəziyyətə gətirilib.

Təyyarədə ekipaj üzvləri də daxil olmaqla, ümumilikdə, 225 nəfər olub.

Komandir sərnişinlərin təcili təxliyəsi barədə qərar qəbul edib.

Ruisyanın “İnterfax” agentliyinin öz mənbələrinə istinadən verdiyi xəbərə görə, bomba həyəcanı sərnişinlərin birinin tapdığı kağız parçasında bununla bağlı xəbərdarlığın olmasından sonra yaranıb. Agentlik yazıb ki, təyyarə yoxlanıldıqdan sonra təhlükəli bir şey taplmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  11 Mart 2019
Bölmələr:  
qısa linklər:   http://mtv.re/53kvsv

Ən çox baxılan