Məhkəmə Rəsul Cəfərovun daha 3 ay həbsdə qalması ilə bağlı qərar çıxarıb
Oktyabrın 23-də Nəsimi rayon məhkəməsində hakim Şəlalə Həsənovanın sədrliyi ilə hüquq müdafiəçisi Rəsul Cəfərovun həbs müddətinin uzadılması ilə bağlı istintaqın verdiyi təqdimat əsasında vəsatətə baxılıb.
Bu barədə RATİ-nin hüquqşünası Günay İsmayılovanın özünün Facebook səhifəsində yazdığına görə, hakim hüquq müdafiəçisinin həbs müddətinin daha 3 ay müddətinə(gələn ilin fevral ayı) uzadılması barədə qərar qəbul edib.
Xatırladaq ki, Rəsul Cəfərov avqustun 2-də həbs edilib və ona qarşı Cinayət Məcəlləsinin 192 (qanunsuz sahibkarlıq), 213(vergidən yayınma) və 308(vəzifə səlahiyyətlərindən sui-istifadə) maddələri üzrə ittiham irəli sürülüb, barəsində 3 aylıq həbs tədbiri seçilib. Qeyd edək ki, Amnesty İnternational Cəfərovu “vicdan məhbusu” kimi tanıyıb.
Bir çox beynəlxalq hüquq müdafiə təşkilatları onun azad edilməsinə çağırıblar.
