Mənbə: Ramin Deko

Qarabağa azadlıq! - Lökbatanda aksiya keçirilib

Qarabağa azadlıq! - Lökbatanda aksiya keçirilib

Noyabrın 30-da Azərbaycan Xalq Hərəkatı “Qarabağa azadlıq, işğala son”, “Ya azad et, ya çıx get” şüarı ilə mitinq keçirib. Aksiya “Neftçi” idman klubunun Lökbatan qəsəbəsindəki təlim-idman bazasında keçirib.

Müxalifətin 19 yanvar mitinqdindən sonra hakimiyyət müxalifət partiyalarının təklif etdiyi yerlərdə yox, məhz Bakıdan kənarda yerləşən Lökbatandakı stadionda aksiya keçirilməsinə icazə verir. Ancaq Milli Şura, Müsavat kimi partiyalar orda mitinq keçirməkdən imtina edərək, şəhərdə etiraz aksiyaları keçirməyə cəhd göstəriblər.

“Bizim bura gəlməkdə məqsədimiz hökumətin bəhanəsini əlindən almaqdır”, - Klassik Azərbaycan Xalq Cəbhəsi Partiyasının sədri Mirmahmud Mirəlioğlu AzadlıqRadiosuna deyib. “Biz istədiyimiz yeri hakimiyyət vermədi. Biz “Məhsul” stadionunda, metronun “Dərnəgül” stansiyasının yaxınlığındakı meydanı istəmişdik. Azərbaycan hakimiyyəti də Baki şəhər İcra Hakimiyyətinin vasitəsilə buranı məsləhət gördü”.

M.Mirəlioğlu Lökbatandaki stadionda mitinq keçirmək qərarını doğru saymadığını, ancaq AXH-də əksəriyyətin verdiyi qərara tabe olaraq mitinqə gəldiyini bildirib.

Mitinq qətnamə oxunuşu ilə başa çatıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/2avcp2

Ən çox baxılan