''NAZ-Lifan''ın qiyməti bahalaşır

Naz-Lifan

Naz-Lifan

Naz-Lifan

Naz-Lifan

"Ehtimal ki, qiymətlər modeldən asılı olaraq 15-30 min manat arası dəyişəcək"

Naxçıvan Avtomobil Zavodunda istehsal edilən “NAZ-Lifan” modellərinin qiyməti artacaq.Bu ilin sonunadək Naxçıvan

Avtomobil Zavodunda əlavə 7 “NAZ-Lifan” modelinin istehsalına başlanması planlaşdırılır.

Hazırda zavodda 10 modeldə “NAZ-Lifan” avtomobili istehsal olunur. Respublikada sifarişlərin artması nəzərə alınaraq zavod model sırasını genişləndirməyi nəzərdə tutur.

Bu barədə AzərTAC-a Naxçıvan Avtomobil Zavodunun direktoru Musa Abdullayev məlumat verib.

O bildirib ki, indiyədək avtomobillərin qiymətlərində artım olmayıb və 11 min manatdan başlayaraq dəyişir. Direktorun sözlərinə görə, yaxın günlərdə zavodun nümayəndə heyəti Çinə səfər edəcək, orada qiymətlər və yeni modellərlə bağlı danışıqlar aparılacaq.

Musa Abdullayev valyuta bazarındakı son vəziyyəti nəzərə alaraq qiymətlərə yenidən baxılacağını deyib. “Naxçıvan Avtomobil Zavodunun istehsal etdiyi modellərin respublikada satılan digər avtomobillərin qiymətləri ilə müqayisədə daha ucuz olmasına çalışacağıq. Ehtimal ki, qiymətlər modeldən asılı olaraq 15-30 min manat arası dəyişəcək”, - deyə zavodun direktoru bildirib.

Musa Abdullayev

Musa Abdullayev

O qeyd edib ki, yanvarın 27-də “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfransda Prezident İlham Əliyevin dövlət qurumlarına Naxçıvanda istehsal olunan avtomobillərin alınması ilə bağlı tövsiyəsindən sonra qısa müddətdə bir il ərzində satılandan da çox avtomobil satılıb: “Hazırda bir sıra dövlət müəssisələri tərəfindən zavoda sifarişlər verilib. Naxçıvan Avtomobil Zavodu qəbul olunan bütün sifarişləri təmin etmək imkanına malikdir”.

Avtomobillərin keyfiyyəti barədə danışan zavodun direktoru vurğulayıb ki, bu gün Naxçıvan Avtomobil Zavodunun istehsalı olan “NAZ-Lifan” markalı 400-dən çox avtomobil respublika ərazisində taksi fəaliyyəti göstərir. Bu avtomobillərin bəzilərinin 1 milyon kilometrdən çox yol qət etməsinə baxmayaraq, onlarda heç bir problem yaranmayıb.

Naxçıvan Avtomobil Zavodu 2010-cu ildən fəaliyyət göstərir. Zavodda Almaniya, İtaliya və Belçikadan gətirilmiş müasir texnoloji avadanlıqlar quraşdırılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vg0vml

Ən çox baxılan