Mehman Hüseynov

Mənbə: Foto: sosial şəbəkə

Başlıq: Mehman Hüseynov

Mehman Hüseynov: DSK-nın qərarı mənim üçün gözlənilməz oldu

“Görünür, mənsiz seçkinin maraqlı olmadığını düşünblər”

Yanvarın 12-də video-bloger Mehman Hüseynovun gələn ay keçiriləcək parlament seçkilərində namizədliyi qeydə alınıb.

Məlumatı Meydan TV-yə Mehman Hüseynovun özü verib.

O, 31 saylı Suraxanı ikinci seçki dairəsindən seçkilərə qatılıb.

Mehman Hüseynov deyib ki, DSK-nin qərarı onun üçün gözlənilməz olub:

“Çünki bələdiyyə seçkilərindəki göstərdiyim seçki şousundan sonra namizədliyimin qeydə alınacağını düşünmürdüm. Amma qeydə aldılar. Görünür, mənsiz seçkinin maraqlı olmadığını düşünblər”.

Mehman Hüseynov ötən ilin 23 dekabrında keçirilən bələdiyyə seçkilərində iştirak etmişdi. O, rəsmi olaraq seçkini qazana bilməyib. Mehman Hüseynov seçkinin nəticələri ilə razılaşmayıb və məhkəməyə müraciət edib.

Yanvarın 10-da Bakı Apelyasiya Məhkəməsi Mehman Hüseynovun Mərkəzi Seçki Komissiyasına (MSK) qarşı şikayətinə baxıb.

Bloger son bələdiyyə seçkilərində səslərin yenidən sayılmasını, qanun pozuntuları olan məntəqələrdə nəticələrin ləğvini istəyib. Hakim Mirzə Tağızadənin sədrlik etdiyi hakimlər kollegiyası blogerin şikayətini təmin etməyib.

Dekabrın 23-də Azərbaycanda bələdiyyə seçkiləri keçirilib.

MSK qeyd edib ki, ölkə üzrə 1627064 nəfər səs verib və seçici fəallığı 32.72 faiz olub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/eshj09

Ən çox baxılan