Hazırda onların axtarışları davam etdirilir
Lənkəranda balıqçıların itkin düşdüyü bildirilir.
Fövqəladə Hallar Nazirliyinin (FHN) məlumatına görə, Lənkəranın Siyavar kənd sakinləri 1984-cü il təvəllüdlü Mahmud Əbdüləli oğlu İbayev və 1968-ci il təvəllüdlü Nazim Səməd oğlu Abbasov yanvarın 13-də səhər saatlarında dənizə çıxıblar.
Bütün gün ərzində onlardan xəbər çıxmayandan sonra onların itkin düşməsi barədə FHN-nin “112” qaynar telefon xəttinə məlumat verilib.
Nazirliyin məlumatında deyilir ki, hazırda itkin düşdüyü ehtimal edilən vətəndaşların axtarışları davam etdirilir.
Balıqçıların qayığının dumanlı hava şəraitinə görə istiqamətini dəyişdiyi ehtimal edilir.
