II Dünya müharibəsindən sonra seçicilər ilk dəfə sağçılara səs veriblər
Sentyabrın 25-də İtaliyada növbədənkənar parlament seçkilərinin ilkin nəticələri bəlli olub.
Ultrasağçı koalisiya 43,3% səs toplayıb.
Məlumata görə, seçicilər II Dünya müharibəsindən sonra ilk dəfə Ultrasağçılara səs verib.
İtaliya seçki qanunvericiliyinə görə, qarışıq seçkilərdə belə nəticə parlamentdə mütləq çoxluğa imkan verir.
Səsvermənin nəticələrinə dair ilk məlumatlar onu göstərir ki, “İtaliya qardaşları” partiyası 24,6% səslə liderdir.
Partiyanın lideri, 45 yaşlı Corc Meloni koalisiya hökumətinə başçılıq edə bilər.
Enriko Lettanın solçu “Demokratik Partiyası” 19,4%, “Beş ulduz” populist hərəkatı – 16,5% toplayıb.
25 sentyabr seçkilərində əvvəlki ümumi seçkilərlə müqayisədə fəallığın xeyli aşağı düşdüyü vurğulanıb.
“İtaliya Qardaşları” partiyası seçkidə qalib gəlsə, onun lideri Corc Meloni İtaliya tarixində ilk qadın Baş nazir olacaq.
C.Meloni özünü NATO-nun tərəfdarı kimi təsvir edir, Ukraynaya müdaxiləyə görə Avropa İttifaqının Rusiyaya qarşı sanksiyalarını dəstəkləyir.
“İtaliya Qardaşları” sağçı mühafizəkar millətçi baxışlara sadiqdir.
Onun sələfi olan partiyalarından biri neofaşist olub.
İfrat sağçı Liqa partiyası (keçmiş Şimal Liqası) və sağ mərkəzçi “İrəli İtaliya” Kremllə sıx əlaqələri ilə tanınır.
