Sultan Qasımovun yerinə hələ ki təyinat olmayıb
Sultan Qasımov Rusiyanın Sankt-Peterburq şəhərində Azərbaycanın baş konsulu vəzifəsindən geri çağırılıb.
Bu barədə oktyabrın 21-də dövlət başçısı İlham Əliyev sərəncam imzalayıb.
2016-cı ildən baş konsul vəzifəsini daşıyan Sultan Qasımov 1959-cu ildə Bakıda anadan olub.
O, 1976-1984-cü illərdə Azərbaycan xalq təsərrüfatı institutunun əməyin iqtisadiyyatı fakültəsində ali təhsil alıb.
1981-2009-cu illərdə Azərbaycanın Daxili İşlər Nazirliyində müxtəlif vəzifələrdə işləyən Sultan Qasımov 2009-2016-cı illərdə Rusiyanın Yekaterinburq şəhərində Azərbaycanın ilk baş konsulu olub.
Sultan Qasımov 2019-cu ildə “Tərəqqi” medalı ilə təltif edilib.
