Yerevan baş verənlərə görə Rusiyanı günahlandırır, Kreml susur
Sentyabrın 18-də Ermənistanın Milli Təhlükəsizlik Xidməti dövlət çevrilişi cəhdinin qarşısının alındığını açıqlayıb.
İstintaq Komitəsi Cinayət Məcəlləsinin 43-419-cu maddəsi ilə cinayət işinin başlandığını bildirib.
Amma məlumatda çevrilişə cəhd edənlərin adları açıqlanmır:
“İstintaq orqanı ilə fəal və səmərəli əməkdaşlıq şəraitində həyata keçirilmiş çoxlu sayda istintaq hərəkətləri, o cümlədən, dindirmə nəticəsində Ermənistanın vətəndaşları S.G., A.E., A.E.S., A.S. , habelə Dağlıq Qarabağın keçmiş sakinləri A.M., A.S. və şəxsiyyəti hələ müəyyən edilməmiş şəxslər hakimiyyətin qəsb edilməsinə hazırlıq görüblər. Yəni zorakılıq tətbiq etməklə və səlahiyyətləri mənimsəməklə hakimiyyəti ələ keçirmək istəyiblər”.
İstintaq Komitəsi qeyd edir ki, həmin şəxslər Rusiyada üç aylıq təlim-məşq toplanışı keçmək və onlarla tanış olmaq bəhanəsi ilə hər ay təqribən 220.000 Rusiya rublu məbləğində mükafat təyin ediblər:
“S.G, A.E, A.A. və E.S. təşkilatlanarkən naməlum şəxslər qruplar halında Rusiyanın Rostov şəhərinə gediblər, “Arbat” adlanan hərbi bazada döyüş təlimi keçiblər. Bundan əlavə, onlara məlumat verilib ki, təlimin məqsədi Ermənistana qayıtmaq və mövcud hökuməti devirmək, bununla da Ermənistanı xilas etmək çağırışlarını səsləndirməkdir. Lakin yeni çağırışçılardan bəziləri təlimlərdə iştirakdan imtina edərək ölkəyə qayıdıb, nəticədə S.G. və cinayətkar qrupun digər üzvləri özlərindən asılı olmayan şəraitə görə cinayəti başa çatdıra bilməyiblər”.
“Bu əməli törətdiklərinə görə 7 nəfər barəsində cinayət işi başlanıb, 3 nəfər saxlanılıb, 4 nəfər üçün axtarış elan edilib”, – deyə İstintaq Komitəsi əlavə edib.
Rusiyanın müvafiq orqanları Ermənistanın bu bəyanatına reaksiya verməyib.
