“Gözlənilir ki, Türkiyə mallarının idxalına qoyulan qadağanın qarşılıqlılıq əsasında götürülməsi Ermənistan mallarının ixracı üçün daha əlverişli şərait yaradacaq”
Ermənistan hökuməti Türkiyə istehsallı malların idxalına qoyulan qadağanı ləğv edib. Bu barədə Ermənistanın İqtisadiyyat Nazirliyi məlumat yayıb.
“Azatutyun” radiosu yayıb ki, ötən ilin oktyabrında, 44 günlük müharibə zamanı hökumətin qərarı ilə Türkiyənin açıq şəkildə dəstəklədiyi dəfələrlə təsdiqlənmiş faktları nəzərə alaraq, Türkiyə mənşəli malların Ermənistana idxalına qadağa qoyulub.
“Azərbaycanın hərbi və terror hərəkətləri Artsax Respublikasına qarşı törədilib və Türkiyə açıq şəkildə onu dəstəkləyib”, – qərarda bildirilib.
2020-ci ilin dekabrında 6 aylıq qoyulmuş embarqo sonda ilin sonuna qədər uzadılıb.
İndi isə Ermənistan hökuməti 2020-ci il dekabrın sonunda ölkəyə gətirilən türk mallarının idxalına qoyulan qadağanın 2022-ci il yanvarın 1-dən uzadılmaması barədə qərar qəbul edib.
“İdarələrarası müzakirələr nəticəsində Türkiyə mallarının idxalına qoyulan embarqonun müddətinin uzadılmaması qərara alınıb. Gözlənilir ki, Türkiyə mallarının idxalına qoyulan qadağanın qarşılıqlılıq əsasında götürülməsi Ermənistan mallarının ixracı üçün daha əlverişli şərait yaradacaq”, nazirliyin məlumatında bildirilib.
Nazirlik bildirib ki, son bir ildə türk mallarına qoyulan qadağa həm müsbət, həm də mənfi iqtisadi nəticələr verib:
“Bizim iş adamlarımız türk mallarının idxalına qoyulan qadağanın aradan qaldırılması ilə bağlı çoxlu bəyanatlar və müraciətlər yayıblar”.
Dekabrın ortalarında Ermənistan və Türkiyə hökumətləri münasibətlərin normallaşdırılması üzrə dialoqa başlamaq üçün xüsusi nümayəndələrin təyin olunduğunu elan ediblər.
Dekabrın 27-də Türkiyənin xarici işlər naziri Mövlud Çavuşoğlu bildirmişdi ki, Türkiyə və Ermənistanın xüsusi nümayəndələri yaxın vaxtlarda Moskvada görüş keçirə bilərlər.
