34 yaşlı Soltan Mirzəyev 2013-cü ilin avqustundan Suriyada gedən döyüşlərə qatılıb. O,3 yanvarda döyüşlərdə həlak olub. Vəhabinin xanımı Mətanət Mirzəyeva yoldaşının Suriyaya gedərkən cibində 5 manat olduğunu və bütün xərcləri onun vəhabi yoldaşlarının qarşıladığını bildirir. S. Mirzəyev Suriyada 4 ay təlim keçdikdən sonra döyüşlərə buraxılıb. O, Bəşər Əsədin qoşunlarına qarşı vuruşub.
Konfiliktoloq Arif Yunus şəxsi məlumatlarına əsasən bu vaxta qədər Suriyada 44 Azərbaycan vətəndaşının vəfat etdiyini bildirir. Onlardan 33 nəfəri sələfi, 11-i şiədir . Vəhabilər Əsədə qarşı Əl-Qaidə təşkilatında, şiələr isə Əsədi müdafiə edənlərin qoşununda döyüşürlər.
Bu yazı 11 ildən çoxdur ki, yayımlanıb.
Yayımlandı: 13 Fevral 2014 10:44
