Zaur Hüseynov vəzifəsindən çıxarıldı, Vüsal Aslanov gətirildi
Prezident İlham Əliyev “Bakı Metropoliteni”nin sədri Zaur Hüseynovu vəzifəsindən azad edib.
Zaur Hüseynov 2014-cü ildən “Bakı Metropoliteni”nin sədri idi.
Prezidentin digər sərəncamı ilə Vüsal Yusif oğlu Aslanov yeni sədr təyin edilib.
Vüsal Aslanov 1981-ci ildə Sumqayıtda doğulub.
2003-cü ildə Bakı Dövlət Universitetinin Hüquq fakültəsini fərqlənmə diplomu ilə bitirib.
2007-ci ildə Bakı Dövlət Universitetinin Mülki və təsərrüfat hüquqü fakültəsini fərqlənmə diplomu ilə bitirərək, magistr dərəcəsini qazanıb.
2004-cü ildən “Azərinşaatservis” MMC-də hüquq müşaviri vəzifəsində, daha sonra Biznes İnkişafı Departamentinin direktoru vəzifəsində çalışıb.
2005-2006-cı illərdə hərbi xidmətdə olub.
2006-2013-cü illərdə “Azərinşaatservis” MMC-nin Korporativ əlaqələr və Hüquq Departamentinin direktoru, idarəetmə və hüquqi işlər üzrə direktor müavini vəzifələrində fəaliyyət göstərib.
Vüsal Aslanov 2010-2014-cü illərdə “Azərinteltek” QSC-nin idarə heyətinin üzvü olub.
2013-2015-ci illərdə “Azərcon” ASC-nin direktoru vəzifəsində çalışıb.
2014-2015 illərdə əlavə iş yeri olaraq, “Retro-Park” MTK-nin sədri vəzifəsini daşıyıb.
2015-cidən 2016-cı ilədək “Azərbaycan Dəmir Yolları” QSC-nin sədrinin müşaviri kimi fəaliyyət göstərib.
2016-cı ildə “Azərbaycan Dəmir Yolları” QSC-nin sədr müavini vəzifəsinə təyin edilib.
