Partiya sədri pasport ala bilməməsindən şikayətçidir
Azərbaycan Xalq Cəbhəsi Partiyasının sədri Əli Kərimli Daxili İşlər Naizrliyini (DİN) məhkəməyə verib. Səbəb DİN-in 14 ildir ona xarici pasport verməkdən imtina etməsidir.
Şikayətə Bakı İnzibati Məhkəməsində hakim Elvin Əliyev baxacaq.
Partiyadan “Turan” İA-a bildirilib ki, Ə.Kərimli cavabdeh kimi DİN Pasport, Qeydiyyat və Miqrasiya İdarəsini, həmçinin üçüncü şəxs kimi Azərbaycanın Avropa Məhkəməsi yanında səlahiyyətli nümayəndəsi Çingiz Əsgərovu cəlb edib.
2006-cı ildən
Ə.Kərimli
yə xarici pasport vermirlər. Səbəb kimi 1994-cü ildə ona qarşı açılan cinayət işinin bağlanmamasıdır. Halbuki, bundan sonra o, iki dəfə parlamentin deputatı seçilib, dəfələrlə xarici pasport və 2 dəfə diplomatik pasport alıb.
2015-ci ildə AİHM Ə.Kərimliyə qarşı Avropa Konvensiyasının 2-ci protokolunun 2-ci maddəsinin (hərəkət azadlığı) pozulduğunu tanıyıb, hökumət isə Strasburq Məhkəməsinin Böyük Palatasına apelyasiya verməyib.
