Hadisənin hərbi xidmətlə bağlı olmadığı deyilir
Dövlət Sərhəd Xidmətinin (DSX) baş çavuşu Pərviz Hacıyevin intihar etdiyi bildirilir.
Baş çavuşun iyunun 17-də Qazax əlahiddə sərhəd diviziyasında odlu silahdan özünü öldürdüyü qeyd olunub.
Bu barədə Dövlət Sərhəd Xidmətinin mətbuat xidməti məlumat yayıb.
Mətbuat xidməti bildirib ki, hadisənin hərbi xidmətlə bağlı olmayan səbəbdən baş verdiyi müəyyənləşib.
Hadisə ilə əlaqədar prokurorluq orqanlarının əməkdaşları ilə birlikdə araşdırma tədbirləri həyata keçirilir.
Qurum hərbçinin hansı rayondan olduğunu açıqlamayıb.
Meydan TV baş çavuş Pərviz Hacıyevin yaxınları ilə əlaqə saxlaya bilməyib.
