***
18.30.
BDU-nun tələbəsi Rüstəm İsmayılbəyli öz "Facebook" hesabında təhsil müəssisəsinin 2 saylı korpusunda formalı və mülki geyimlilərin olduğu barədə məlumat paylaşıb. Rüstəm İsmayılbəylinin sözlərinə görə, özü və tələbə yoldaşları dekan müavini tərəfindən təhdid olunur:
“Mənə deyildi ki, sən etmisən, görmüşük, gəl izahat yaz. "Sübut göstərin" söylədikdə, “görəcəksən” deyildi. Qrup yoldaşıma isə deyilir ki, siz bilirsiniz kim edib, deməsəniz, sizinlə bağlı iş görəcəyik”.
R.İsmayılbəyli BDU-nun açıqlamasına da toxunub:
“Bildirilib ki, hadisə Şərqşünaslıq fakültəsində baş verib, araşdırma aparılır”.
***
Universitet rəhbərliyi məsələni araşdırdığını deyir
Dekabrın 24-də Bakı Dövlət Universitetinin (BDU) bir qrup tələbəsi ödənişli təhsilə etiraz əlaməti olaraq universitetin 2-ci korpusundan “Pulsuz təhsil” banneri asıb.
Adının açıqlanmasını istəməyən tələbələrdən birinin Meydan TV-yə verdiyi məlumata görə, hər il yanvar ayının əvvəlində tələbələrə ödənişlə bağlı problem yaradılır:
“Universitet rəhbərliyi illik təhsil haqqını yarısını istəyirlər. Bu da o deməkdir ki, bəzi tələbələr 1000, bəziləri 2200 birdəfəyə ödəniş etməlidirlər. Bu da çoxunun imkanı xaricindədir”.
BDU rəhbərliyi banneri yığışdırıb. Universitetin mətbuat katibi Pərvanə İbrahimova Meydan TV-yə məsələ ilə bağlı araşdırma apardıqlarını, əlavə məlumat olsa, açıqlama verəcəklərini söyləyib.
