İyunun 23-də Bakının Heydər Əliyev prospektində avtomabil qəzası baş verib. APA-nın məlumatına görə, “Ford Tranzit” markalı avtomobil “Mercedes” markalı maşınla toqquşub. Nəticədə 3 nəfər ölüb, 2 nəfər yaralanıb. Hazırda ölən və yaralananların adları dəqiqləşdirilir.
Qəza hadisəsi tıxaca da səbəb olub. Nəqliyyatı İntellektual İdarəetmə Mərkəzinin məlumatına görə, Heydər Əliyev prospekti – əsas yolda Bağırov körpüsünün yaxınlığında baş verən hadisə nəticəsində yolda nəqliyyat vasitələrinin sıxlığı müşahidə olunur.
Sürücülərə alternativ olaraq Heydər Əliyev prospekti köməkçi yoldan, Babək və Ziya Bünyadov prospektlərindən istifadə etmələri tövsiyə olunur.
