Borcun 84,2%-i xarici kreditlərin payına düşür
Azərbaycanın dövlət zəmanətli 11 407.1 milyon manat borcu var. Bura həm daxili, həm xarici birclar daxildir və ümumi daxili mıhsulun 9.4 faizinə bərabərdir. Maliyyə Nazirliyinin bu haqda yaydığı məlumatda (“2024-cü ilin I yarımili üzrə Dövlət Borcuna dair Statistik Bülleten” dərc olunub ) belə deyilir.
Bildirilir ki, dövlət zəmanəti verilmiş borcun 9 599,2 milyon manatı (5 646,6 milyon ABŞ dolları) və yaxud 84,2%-i xarici kreditlərin, 1 807,9 milyon manatı və yaxud 15,8%-i isə daxili kreditlərin payına düşüb. Xarici dövlət zəmanətli borcun 4 329,7 milyon dollarını və yaxud 76,7%-ni (7 360,5 milyon manat) “Cənub Qaz Dəhlizi” səhmdar cəmiyyətinin öhdəlikləri üzrə verilmiş dövlət zəmanətidir.
Hesabatda qeyd edilir ki, dövlət zəmanətli borc portfelinin 51,6%-ni sabit, 48,4%-ni dəyişkən faiz dərəcəli borc təşkil edib. Dövlət zəmanətli borc portfelinin valyuta tərkibi isə belədir: ABŞ dolları– 62,6%, avro – 19,4%, manat – 12,4%, yapon yeni – 3,6%, digər valyutalar – 2%. Dövlət zəmanətli borcun 63,4%-i 5 ilə qədər olan müddətdə, 24,3%-i 5 ildən 10 ilə qədər olan müddətdə, 12,3%-i isə 10 ildən yuxarı olan müddətdə kreditorlara qaytarılmalıdır. Dövlət zəmanətli kreditlərin 29,8%-i müxtəlif investorların, 5,4%-i Dünya Bankının, 9,4%-i Asiya İnkişaf Bankının, 1,2%-i İslam İnkişaf Bankının, 5,7%-i
Avropa Yenidənqurma və İnkişaf Bankının, 3,6%-i Yaponiya Beynəlxalq Əməkdaşlıq Agentliyinin, 8%-i Asiya İnfrastruktur İnvestisiya Bankının, 15,9%-i daxili kreditorların, 21%-i isə digər kreditorların payına düşüb.
