“Zəhərlənmə diaqnozu ilə 13 nəfər müraciət edib”
Azərbaycanda metil spirti zəhərlənməsindən 8 nəfər ölüb.
Bu barədə Kliniki Tibbi Mərkəzin Toksikologiya şöbəsinin müdiri Azər Maqsudov APA-ya deyib.
Onun sözlərinə görə, martın 21-dən “Metil spirti zəhərlənməsi" diaqnozu ilə ümumilikdə 13 nəfər müraciət edib. Onların 8-i ölüb.
Şöbə müdiri bildirib ki, toksiki məhlulun qəbulu 30 ml-dən çox olanda ölümə səbəb olur.
Oxşar hal İran İslam Respublikasında da baş vermişdi. İnsanlar koronavirusdan müdafiə üçün bu məhluldan istifadə edirlər.
