Gürcüstanda etnik azərbaycanlıların kompakt yaşadığı Kvemo-Kartlidə uşaq bağçaları əsasən gürcü sakinlərin yaşadığı kəndlərdə yerləşir. Bolnisi və Dmanisi bələdiyyəsinə aid azərbaycanlıların yaşadığı kəndlərin demək olar ki, heç birində uşaq bağçası fəaliyyət göstərmir. Elə buna görə də icmanın aktiv gəncləri petisiyalar hazırlayaraq aidiyyəti qurumlara təqdim etsələr də, hələ ki, istənilən cavab və nəticə əldə olunmayıb.
