Aprel döyüşçüsü: ''Prezident Administrasiyasından məni həbsə göndərdilər''

Amin Sadıqov iki il öncə Ermənistanla Azərbaycan arasında baş vermiş aprel döyüşlərindən sonra yeriyə bilmir. Döyüşlərdə yaralanıb və Bakıdakı Hərbi Hospitala gətirilib. Orada altı ay qaldıqdan sonra təxris olunub. İki il yarımdır ki, əlil arabasına tutunub. Amin Sadıqov həftədə bir dəfə şoka girir.

Qıcolması tutur, təzyiqi də yüksəlir. Yaralanandan sonra ona 8800 manat siğorta pulu ödənilib. Ancaq deyir ki, bu pul müalicəsi, ayağa qalxması üçün yetərli deyil. Bu səbəbdən də müalicəsi üçün 10 min kredit götürüb. Aldığı pensiyasının yarısı kreditlərə, yarısı da dərmanlara xərclənir. Umduğu köməyi yetkililərdən görmədiyini deyir. Keçmiş əsgərin təkcə bədənində deyil, ürəyində də yaralar var.

Tez-tez şəhid xəbərləri gəlirdi Amin buna dözməyib, yenidən hərbi xidmətə yollanmışdı. Bu yolda hər acıya dözərəm deyirdi. İndi isə dövlətin laqeydliyinin onu paramparça etdiyini dilə gətirir.

Hətta bir il öncə Prezindent Administrasiyasına qəbula üz tutanda onu həbsə yollayıblar. 2016-cı il aprelin 2-də qızışan döyüşlər ayın 5-nə qədər davam etdi, hər iki tərəf ağır itki verdi, onlarla hərbçi, mülki şəxs yaralandı, həyatını itirdi. O zaman yaralanan əsgər valideynləri ilə görüşdə ölkə başçısı İlham Əliyev belə demişdi. “Həkimlər deyir ki, əsgərlər tam sağalacaq.

Onların sağlamlıqları bərpa olunacaq”. Amin Sadıqovun da ayağa qalxıb, yenidən yeriməsi üçün möcüzə gərək deyil. Xəstəxanadan ona bildiriblər ki, bunun üçün 30 min manata ehtiyac var.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8zmj0u

Ən çox baxılan