Ötən ilin payızında Almaniya hökuməti parlamentdəki fraksiyalardan birinin sorğusuna cavab olaraq qondarma DQR ordusunun özünü təmin edə bilməsi ilə bağlı iddiaları da təkzib edib
Almaniya hökuməti Azərbaycanın işğal altında olan rayonları ilə bağlı növbəti dəfə mövqe nümayiş etdirib.
Federal hökumətin dünyada hüquq müdaifiəsi sahəsində fəaliyyəti ilə bağlı 11-ci hesabatında deyilir: “Ermənistan 1994-cü ildə atəşkəs əldə edilən gündən işğal altında saxladığı, beynəlxalq hüquqa görə Azərbaycana məxsus ərazilərdə, o cümlədən Dağlıq Qarabağda insan haqlarının durumuna görə məsuliyyət daşıyır. Yüzlərlə azərbaycanlı məcburi köçkün bu rayonlara qayıda bilmir”.
Hesabatda aydın və dəqiq ifadələr göstərir ki, Almaniya XİN-i Ermənistan tərəfinin “Qarabağ dövləti” barədə mifə inanmır. Berlində gözəl anlayırlar ki, işğal altında olan ərazilərdə insan haqları vəziyyətinə görə məsuliyyəti qondarma rejim deyil, Ermənistan daşıyır.
Almaniyanın Ermənistanı açıq şəkildə işğalçı adlandırması Ermənistanın münaqişədəki mövqeyinə ağır zərbə olub.
Ötən ilin payızında Almaniya hökuməti parlamentdəki fraksiyalardan birinin sorğusuna cavab olaraq qondarma DQR ordusunun özünü təmin edə bilməsi ilə bağlı iddiaları da təkzib edib.
azadlıq.info
