Partlayış olan ərazi

Mənbə: Foto: https://www.mz-web.de/

Başlıq: Partlayış olan ərazi

Alman mədənində partlama baş verib

700 metrlik dərinlikdə qalan insanlar xilas olunub

Almaniyanın şərqində yerləşən mədəndə partlayış baş verib. Noyabrın 8-də baş vermiş partlayışın ardından mədənin təxminən 30-a yaxın heyəti 700 metr dərinlikdə tıxanıb qaldıqdan sonra xilas ediliblər, - “Reuters” xəbər verir.

Yerli televiziya MDR xəbər verir ki, yanğınsöndürənlər xilasetmə əməliyyatı aparıblar. Qısa müddət sonra yerli polis “twitter” hesabında qeyd edib: “Bütün şəxsi heyət xilas edilib”.

“Mitteldeutsche Zeitung” saytının məlumatına görə, mədən işçilərindən biri ağır yaralanıb.

Yeraltında olan heyət Berlindən təqribən 150 km cənub-qərbdə yerləşən Toyçentaldakı (Teutschenthal) mədəninin təhlükəsiz hissəsinə sığınaraq oksigenlə təmin olunublar.

Dağ-mədən idarəsi deyib ki, yerin altında qalmış işçilərin toxunulmaz qalmış quyu vasitəsilə çıxarılması mümkün olub.

Halle şəhərinin yaxınlığında yerləşən mədən 1982-ci ildə bağlanıb, lakin başqa yerlərdən gələn mədən tullantılarının toplanması üçün istifadə edilir. Sahədə 100-ə yaxın insan işləyir.

Keçən ay Halle şəhərində iki nəfər sinaqoqun yaxınlığında baş vermiş antisemitik hücum nəticəsində öldürülmüşdü.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/dh9il4

Ən çox baxılan