ABŞ-ın Bakıdakı səfirliyi

Mənbə: Foto: arxiv

Başlıq: ABŞ-ın Bakıdakı səfirliyi

ABŞ Azərbaycana 1,7 milyon dollarlıq tibbi yardım edəcək

COVİd-19 ilə qlobal mübarizə aparılır

ABŞ martın 27-də bəzi riskli 64 ölkəyə qlobal COVID-19 pandemiyası ilə mübarizə aparmaq üçün əlavə maliyyə yardımı edəcəyini bəyan edib.

Bu istiqamətdə Vaşinqton Azərbaycana "laboratoriya sistemlərini hazırlamaq, yoluxma hallarını müəyyənləşdirmək, mütəxəssislərə dəstək vermək, hazırlıq təmin etmək və risklər haqqında məlumat vermək üçün" 1.7 milyon dollar dəyərində tibbi yardım verəcək.

Məlumatı Turan İA yayıb.

Eyni zamanda, Amerika Dövlət Departamentinin bu barədə yaydığı bülletenə istinadən xatırlanır ki, son 20 il ərzində ABŞ Azərbaycanda təkcə səhiyyə sahəsinə təxminən 41 milyon dollar və ümumi yardım məqsədləri üçün 890 milyon dollardan çox sərmayə qoyub.

Azərbaycanda indiyədək 165 koronavirusa yoluxma halı qeydə alınıb. Onlardan 3 nəfəri ölüb, 15 nəfəri sağalaraq evə göndərilib.

ABŞ-da 27 mart tarixli məlumata görə, 86 minə yaxın insan koronavirusa yoluxub, 1290-dan çox adam ölüb, 753 nəfərin isə sağaldığı bildirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/pgc7kz

Ən çox baxılan