Mənbə: Meydan TV

19 oktyabr mitinqində polisin hədəfinə çevrilən jurnalistlər

19 oktyabr mitinqində polisin hədəfinə çevrilən jurnalistlər

19 oktyabrda şəhərin mərkəzində keçirilən mitinqdə jurnalistlər də polisin hədəfindən yayınmayıb.

Mətbuat nümayəndələri çəkiliş edərkən polis zorakılığı ilə qarşılaşıb.

ATƏT-in Media Ofisinin rəhbəri Harlem Dezirin bəyanatında medianın, jurnalistlərin ictimaiyyətə açıq olan bütün olayları izləmək, oradan bilgi toplamaq hüququ olduğunu xatırladıb.

“Bakıda ictimaiyyətə açıq aksiyalarda jurnalistlərin peşə fəaliyyətlərini yerinə yetirməsinə əngəllərin yaradılmasını qınayıram. Rəsmiləri bu olayları dərhal araşdırmağa, gərəkli addımlar atmağa çağırıram”.

Mitinqdən az əvvəl AXCP sədri Əli Kərimlini evinin önündə gözləyən jurnalist Təzəxan Mirələmli saxlanılaraq Nəsimi Rayon Polis İdarəsinə gətirildiyini deyir.

Oktyabrın 19-da Mətbuat Şurası hüquq-mühafizə orqanlarını üzərində “Press” yazılmış gödəkçələrdə olan media təmsilçilərinə müvafiq şərait yaradılması üçün tədbirlər görməyə, ümumən jurnalistlərlə əlaqədar həssaslıq nümayişinə çağırmışdı. Həmçinin jurnalistlərin peşə fəaliyyətini həyata keçirmələrinin monitorinqini aparacaqlarını açıqlamışdı. Buna baxmayaraq, 3 müstəqil jurnalist 4 saata yaxın Nəsimi Rayon Polis İdarəsində saxlanılır. Təzəxan Mirələmli saxlanılan zaman Mətbuat Şurasıyla əlaqə saxladığını deyir.

Mətbuat Şurası mitinqdən sonra yaydığı açıqlamada mitinqdə jurnalistlərin informasiya əldə etmələrinə şərait yaradıldığını deyib. Qurum ATƏT-in jurnalistlərə qarşı zorakılıqla bağlı bəyanatının da birmənalı şəkildə qərəzli hesab edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/bdbt7f

Ən çox baxılan