Baş leytenantın axtarışı davam edir
Kəlbəcər rayonununda itkin düşən 4 hərbçidən 3-ü tapılıb.
Bu barədə Azərbaycan Müdafiə Nazirliyi məlumat yayıb.
Nazirlik hərbçilərin itkin düşməsini hava şəraitinin qəfil dəyişməsi və çovğun səbəbi ilə əlaqələndirir:
“Kəlbəcər rayonunun Alagöllər sahəsində baş leytenant Fuad Bağırov, kiçik çavuş Cavad Hüseynov, əsgərlər Maşallah Hüseynov və Yasin Kərimov ərazidə istiqaməti itirərək azıb”.
Bildirilib ki, keçirilən axtarışlar nəticəsində yanvarın 29-u səhər saatlarında kiçik çavuş Cavad Hüseynov, əsgərlər Maşallah Hüseynov və Yasin Kərimov tapılıb:
“Onlar Kəlbəcərdəki hərbi hospitala yerləşdirilərək həkim nəzarətinə götürülüb”.
Ancaq baş leytenant F.Bağırovun tapılması məqsədilə axtarış-xilasetmə tədbirlərinin hələ davam etdirildiyi deyilir.
