Daha bir tələbənin isə vəziyyəti ağırdır
COVİD-19-la mübarizədə modul tipli klinikada könüllü çalışan Azərbaycan Tibb Universitetinin (ATU) tələbələri avtomobil qəzası keçirib. Nəticədə ATU-nun 3 tələbəsi – Tuncay Məmmədov, Sahil Mustafazadə və Yeganə Məmmədova həlak olub.
Bu barədə məlumatı universitetin mətbuat xidməti yayıb. Bildirilir ki, tələbələrdən İlkin Ağamirzəyev isə ağır yaralanıb.
“COVİD-19-la mübarizədə digərlərinə kömək olan gələcək həkimlərimiz özləri dəhşətli qəzanın qurbanı olublar.
Qeyd edək ki, dünyasını dəyişən Sahil Mustafazadə ATU-nun Əczaçılıq fakültəsinin tələbəsi, Tuncay Məmmədov Müalicə Profilaktika fakültəsinin V kurs tələbəsi, Yeganə Məmmədova Müalicə Profilaktika Fakültəsinin VI kurs tələbəsi olub. Hazırda həyatı uğrunda mübarizə aparılan İlkin Ağamirzəyev isə ATU-nun V kurs Müalicə Profilaktika fakültəsinin tələbəsidir”, – deyə məlumatda vurğulanıb.
