"Kənddə qaz da yoxdur"

Источник: Foto: Meydan TV

Başlıq: "Kənddə qaz da yoxdur"

Xalxalqışlaq kəndinin sakinləri: Nə suyumuz var, nə qazımız...

Kənddə tibb məntəqəsində isə əhaliyə tibbi xidmət göstərmək üçün şərait yoxdur

“Şaxtadır, soyuqdan donan kim, xəstəliyə tutulan kim... Hansı qapını açsanız, sobaya atmağa bir parça odunu yoxdur”.

Oğuzun Xalxalqışlaq kəndinin sakinləri Meydan TV-yə danışırlar ki, illərdir kənddə nə qaz, nə də su var.

2013-cü ilin avqustunda prezident İlham Əliyev Oğuza içməli suyun verilməsi mərasimində iştirak edərkən tezliklə kəndlərin də içməli su təchizatının yaxşılaşdırılacağını bildirmişdi. Su xətti çəkiləcək kəndlərin siyahısında Xalxalqışlaq da olub. Aradan illər keçib, Xalxalqışlaq əhalisi hələ də susuzluqdan əziyyət çəkir.

“Deyirlər, layihə böyükdür, çoxlu pul lazımdır”

“Rayonda həm Xalxal, həm də Xalxalqışlaq kəndi var. Xalxalda bir iri hovuz düzəltdilər, dağdan axıb gələn sudan çəkdilər. Adamlar həmin hovuzdan su götürür, susuzluq aradan qalxıb. Bu biri qonşu kəndin - Ərmənətin də su problemi həll olunub. Ancaq bizim kəndə hələ də su çəkilməyib”.

Sakinlərin deməsinə görə, susuzluğun davam etməsinə səbəb kimi onlara layihəni həyata keçirməyə maliyyə ayrılmaması ilə izah olunur:

“Deyirlər, böyük olduğuna görə hələ kəndinizlə bağlı su layihəsini maliyyələşdirmək mümkün deyil. Kəndin ərazisi qonşu kəndlərə nisbətən böyük olsa da, cəmi 60 ev var. İldə bir dəfə gəlirlər, kəndi o başdan bu başa ölçüb-biçirlər, sakinlərə sənədlərə qol çəkdirib gedirlər. İcra hakimiyyətinin nümayəndələri kənddə iki dəfə toplantı keçiriblər, sakinləri toplayıb, şirin vədlər veriblər. Çayın çirkli suyunu içirik, məişətdə həmin çirkli suyu istifadə edirik”.

"Bizim kəndə hələ də su çəkilməyib"

"Bizim kəndə hələ də su çəkilməyib"

Источник: Meydan TV

“Prezidentin Sərəncamı ilə qazılan quyu da qurudu”

Kəndlilərin deməsinə görə, 2014-cü ildə prezident İlham Əliyevin Sərəncamı ilə kənddə artezian quyu qazılıb. Ancaq kəndlilər quyudan vur-tut 14 vedrə su götürə biliblər. Sonra o quyuda da su olmayıb, zaman keçdikcə, istifadəsiz quyu dağılıb. 1 il əvvəlsə kənddə ölçü işləri aparandan sonra sakinlərə bildirilib ki, tezliklə su çəkilişlərinə başlanacaq. Ancaq sakinlər bir də görüb ki, su çəkilişi üçün avadanlıq və borular qonşuluqdakı Şirvanlı kəndinə daşınır. Tezlilkə Şirvanlıya su çəkilib. Xalxalqışlaq sakinlərinə isə yenə də köks ötürərək gözləmək qalıb.

Kənddə qaz da yoxdur. Kəndlilər deyir, çır-çırpı üçün meşəyə yaxın düşə bilmirlər. Odun isə çox bahadır.

“Meşəyə buraxmırlar, odunu da baha satırlar”

“Odunun kubu 14 manat 50 qəpikdir. Bir maşın odun 300 manata başa gəlir. Kasıb kənddir, heç kim işləmir, heyvandarlıqla, əkinçiliklə məşğul olmaq mümkün deyil ki, adam əkdiyi məhsulu, saxladığı heyvanın qatığını, südünü, pendirini satıb odun ala... Bir əlacı var ki, kəndi qazlaşdırsınlar. İllərdir ki, yağlı vəddən başqa heç nə görmürük. Körpə uşaqlar, qoca, xəstə insanlar soyuğa tab gətirmir. Beşcə evdə elektrik cihazı qoşan kimi kəndin elektrik şiti davam gətirmir. 60 ev necə qızınsın?”

Bir də kənddə tibb məntəqəsi və kənddaxili yol problemi var. Sakinlər tibb məntəqəsinin təmiri və tibbi xidmət üçün lazımi avadanlıqlarla təchizatı üçün aidiyyəti qurumlara müraciət ediblər. Ancaq kənddəki tibb məntəqəsi təmir olunmayıb, qapısı isə kəndlilərin üzünə nadir hallarda açıq olur. Sakinlər tibbi yardım almaq üçün Oğuzun mərkəzinə getməli olurlar.

"Sakinlər tibbi yardım almaq üçün Oğuzun mərkəzinə getməli olurlar"

"Sakinlər tibbi yardım almaq üçün Oğuzun mərkəzinə getməli olurlar"

Источник: Foto: Meydan tv

Yollara gəlincə isə, yayda tozlu, qışda palçıqlı olan yollar həm maşınların, həm də piyadaların hərəkətinə narahatçılıq yaradır.

Oğuz Rayon İcra Hakimiyyətindən Meydan TV-yə bildirilib ki, rayonun içməli su və mavi yanacaq problemi mərhələ-mərhələ həll olunur. Son bir neçə ildə həm Oğuz şəhərində, həm də kəndlərin əksəriyyətində bu problemlər tamamilə aradan qaldırılıb. 2031-ci ilədək isə Oğuzda istiliksiz və susuz kənd qalmayacaq:

“Ümumiyyətlə, qazdır, sudur, işıqdır, tibb məntəqəsidir, yoldur – bu problemlərlə bağlı şikayətlər daxil olanda biz də öz xəttimizlə aidiyyəti qurumlara ünvanlayırıq və həllinə çalışırıq. Su layihələri çoxdandır ki, icra olunur və hazırda da davam edir. Xalxalqışlaq kəndinin su təchizatı layihəsi də var, tezliklə icra olunacaq”.

"Aradan illər keçib, Xalxalqışlaq əhalisi hələ də susuzluqdan əziyyət çəkir"

"Aradan illər keçib, Xalxalqışlaq əhalisi hələ də susuzluqdan əziyyət çəkir"

Источник: Meydan TV

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/hwue0s

Самое читаемое