Hafiz Həsənov

Источник: Foto: arxiv

Başlıq: Hafiz Həsənov

Vəkil: Telefonundan SMS göndərilən atanın inzibati məsuliyyətə cəlb edilməsi qanunsuzdur

“Nazirlər Kabinetinin karantin qaydalarıyla bağlı qərarında çoxsaylı SMS-lərin göndərilməməsilə bağlı hansısa norma yoxdur”

Aprelin 7-də telekanallarda, xəbər saytlarında Ağdamdan olan, lakin Bakının Nərimanov rayonunda müvəqqəti məskunlaşan İlham Bəhramov və onun 12 yaşlı oğlunun görüntüləri yayıldı. Həmin görüntülər Nərimanov Rayon Polis İdarəsinin 18-ci polis bölməsində çəkilmişdi.

İddia olunur ki, İ.Bəhramovun mobil telefonundan aprelin 5-dən bu yana Azərbaycanda evdən çıxmaq üçün icazə alınan 8103 nömrəsinə bir gün ərzində 90-na yaxın SMS göndərilib. Buna görə də 18-ci polis bölməsinin əməkdaşları həm atanı, həm də uşağı saxlayaraq, bölməyə gətirib. Orada onların hər ikisini videoya çəkərək (uşağın üzü qrafika ilə örtülüb), həmin görüntüləri media orqanlarında yayımlayıb.

Daxili İşlər Nazirliyi özü də sosial şəbəkələrdəki səhifəsində həmin görüntüləri yayıb. Nazirliyin məlumatına görə, “məsuliyyətsiz davrandığına və xüsusi karantin rejimi qaydalarını pozduğuna görə İlham Bəhramov İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsilə cərimələnib. Amma cərimənin məbləği açıqlanmayıb.

Hüquq və İnkişaf Mərkəzinin rəhbəri, vəkil Hafiz Həsənov isə deyir ki, 12 yaşlı uşağın bu hərəkətinə görə mobil telefonun sahibi olan atasının inzibati məsuliyyətə cəlb edilməsi qanunsuzdur.

Vəkil bildirir ki, yaş həddinə çatmayanların törətdiyi qanun pozuntusuna görə valideynlər yalnız mülki-hüquqi məsuliyyət daşıyırlar:

“İndiki halda, bu əməli inzibati məsuliyyətə cəlb etmənin yaş həddinə - 16 yaşa çatmamış uşaq törədibsə, hətta atasının telefonuyla olsa belə, valideyn İnzibati Xətalar Məcəlləsinin 211-ci maddəsilə məsuliyyətə cəlb oluna bilməz”.

H.Həsənov onu da qeyd edir ki, mobil telefondan 8103-ə çoxsaylı SMS-lərin göndərilməsi İnzibati Xətalar Məcəlləsinin 211-ci maddəsində nəzərdə tutulan tərkibi yaratmır:

“Nazirlər Kabinetinin karantin qaydalarıyla bağlı qərarında çoxsaylı SMS-lərin göndərilməməsilə bağlı hansısa norma yoxdur. Bu, analoji hal hesab edilib, karantin qaydalarının pozulması kimi qiymətləndirilə bilməz”.

Vəkil hesab edir ki, vətəndaşlara münasibətdə bu cür davranıb onları cərimələməkdənsə, İnzibati Xətalar Məcəlləsinin 211-ci maddəsindəki epidemiya əleyhinə rejimin, sanitariya-gigiyena və karantin rejimlərinin pozulmasının hansı əməllərdə ifadə olunması göstərilməli, ya da Məcəlləyə konkret maddələr əlavə edilməlidir.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/ekikbq

Самое читаемое