Rəcəb Tayyib Ərdoğan

Источник: Foto: google.az

Başlıq: Rəcəb Tayyib Ərdoğan

Türkiyə bu həftə Suriya qüvvələrini İdlibdən geri çıxaracaq

Son üç ayda təxminən bir milyon suriyalı didərgin düşüb

“Türkiyə bu həftə Suriya hökumət qüvvələrini Suriyanın şimal-qərbindəki İdlib bölgəsində yerləşən hərbi müşahidə postlarından uzaqlaşdırmağı planlaşdırır”, - Prezident Rəcəb Tayyib Ərdoğan çərşənbə günü deyib.

“Reuters” xəbər verir ki, doqquz illik müharibədən sonra Rusiya tərəfindən dəstəklənən Suriya hərbi qüvvələri irəliləyərək Türkiyənin dəstəklədiyi üsyançıların son qalası olan İdlibi ələ keçirməyə çalışır.

Son üç ayda təxminən bir milyon suriyalı didərgin düşüb. Müharibədən qaçanlar Suriyanın sərhəddində yerləşən Türkiyə torpaqlarına pənah aparırlar.

Ankara üsyançılara dəstək vermək üçün bölgəyə minlərlə əsgər və yük maşını göndərir. Bu müddət ərzində Ərdoğan Suriya prezidenti Bəşər Əsəd qüvvələrini geri çəkməyə söz verib.

“Bu ayın sonuna qədər müşahidə postlarımızı Suriya hökumət qüvvələrindən azad etməyi planlaşdırırıq”,- Ərdoğan partiyasının millət vəkillərinə deyib.

Suriya İnsan Haqları Müşahidə Qurumu və Əsədin Livan müttəfiqi Hizbullah tərəfindən idarə olunan medianın verdiyi məlumata görə, Əsəd qüvvələri çərşənbə günü İdlibin cənubunda bir sıra kəndləri ələ keçirib.

Hökumətyönlü qüvvələrin məqsədi Kafar Aveed şəhərinə çatmaq olub. Belə ki, bu şəhərin ələ keçirilməsi üsyançıların böyük bir ərazidən o cümlədən onların son qalası hesab edilə Hama əyalətindən çıxarılması deməkdir, Suriya İnsan Haqları Müşahidə Qurumunun direktoru Rami Abdulrahman deyib.

Suriya ordusu son bir neçə gündə İdlib əyalətinin cənubundakı çoxsaylı kənd və qəsəbələri ələ keçirdiyini təsdiq edib.

Ərdoğan əvvəlcə fevralın 5-də Əsəd qüvvələrinin fevral ayının sonunadək Türkiyənin müşahidə postlarından geri çəkilməsini tələb edib. Əks halda Türkiyənin onları geri çəkəcəyini deyib.

Türkiyə Rusiya və İranla bağlanmış 2017-ci il müqaviləsinə əsasən İdlibdə “de-eskalasiya zonası” ətrafında 12 müşahidə postu qurub, ancaq onlardan bəziləri hazırda Suriya hökumət qüvvələrinin sərhəd xəttindən arxada qalır.

Türk hərbçiləri tərəfindən dəstəklənən suriyalı üsyançılar bu həftə İdlibin Nairab şəhərini ələ keçiriblər. Üsyançıların və türk mənbələrinin verdiyi məlumata görə, bu, Suriya hökumət qüvvələrinin irəliləməsindən sonra geri alınmış ilk ərazidir.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/e6crml

Самое читаемое