Sergey Lavrov

Источник: Meydan TV

Başlıq: Sergey Lavrov

Sergey Lavrov: Gələcəkdə Dağlıq Qarabağın statusunun müzakirəsi mümkündür

“Atəşkəsdən sonra Hadrut rayonuna yerləşdirilən adamların taleyi ayrıca müzakirə olunmalıdır”

“Dağlıq Qarabağın statusu məsələsi Ermənistanla Azərbaycan arasında həll olunmalıdır. Rusiya isə bölgədə sülh və sabitliyi təmin etməyə imkan yaradacaq qərarların axtarışında kömək etməyə hazırdır”.

Bu sözləri yanvarın 18-də Rusiyanın xarici işlər naziri Sergey Lavrov deyib.

"O ki qaldı Dağlıq Qarabağı Rusiyanın tərkibinə daxil etmək kimi ekzotik təklifə, bizim ümumiyyətlə belə bir fikrimiz yoxdur ", - Lavrov bildirib.

Lavrov jurnalistlərin suallarına cavab verərkən qeyd edib ki, Dağlıq Qarabağın statusu məsələsi 9 noyabr bəyanatında bilərəkdən qeyd olunmayıb. Nazirin sözlərinə görə, status məsələsi ilə həm də ATƏT-in Minsk qrupunun həmsədrləri məşğul olacaq.

Nazir Rusiya, Azərbaycan və Ermənistan liderlərinin üçtərəfli bəyanatında heç bir məxfi əlavənin olmadığını söyləyib.

Diplomat əlavə edib ki, Dağlıq Qarabağın statusunun müzakirəsi gələcəkdə mümkündür, mövzuya hələ qayıdılacaq, ancaq hazırda bu barədə danışmaq tezdir.

"Əsas odur ki, statusla bağlı Ermənistanla Azərbaycan arasında mehriban qonşuluq əsasında hüquqi diskussiyalar olsun ", - Lavrov əlavə edib.

Nazirin sözlərinə görə, Laçın dəhlizi ilə bağlı razılaşmaya əlavə olaraq, Azərbaycanın əsas ərazisinin qərb rayonları ilə Naxçıvan arasında daimi, etibarlı rabitə qurulacaq və bu razılaşma dövlət başçıları tərəfindən təsdiqlənib.

Lavrov deyib ki, Dağlıq Qarabağın Ermənistanla əlaqələrini kəsmək məsələsi heç vaxt gündəmdə olmayıb. O xatırladıb ki, Moskva, Bakı və Yerevan arasındakı sazişdə Ermənistanla Dağlıq Qarabağ arasında rabitənin Rusiya sülhməramlılarının nəzarətində olan Laçın dəhlizi vasitəsilə təmin olunacağı barədə razılığa gəlinib.

Nazir həmçinin Rusiyanın hərbi əsirlərin “hamının hamıya” prinsipi ilə mübadiləsinə çalışdığını bildirib.

"O ki qaldı hərbi əsirlərə, bu məsələ də müzakirə olunub. Bu, 9 və 10 noyabrda imzalanan razılaşmaların tərkib hissəsidir. Atəşkəs elan olunandan sonra Hadrut rayonuna yerləşdirilən adamların taleyi isə 9 noyabr razılaşmalarına uyğun olaraq yox, ayrıca müzakirə olunmalıdır. Hazırda bizim hərbçilərimiz Azərbaycan və Ermənistan hərbçiləri ilə əlaqədədir, həmin şəxslərin harada ola biləcəyini müəyyənləşdirmək üçün ad siyahıları dəqiqləşdirilir ", - Lavrov əlavə edib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/63aqm8

Самое читаемое