Источник: publika.az

Rauf Mirqədirov: Laçın dəhlizində təlimlər Rusiyaya mesajdır

Şair Ramaldanov: “Təlimlərə terrorçuluqla mübarizə də daxil edilməmiş olmaz”

Azərbaycan və Türkiyənin xüsusi təyinatlı qüvvələrinin Laçın dəhlizi yaxınlığında təlimlər keçməsi Ermənistan və Rusiyada narazılıqla qarşılanıb.

Hərbi təlimlər avqust ayından Azərbaycan və Ermənistan arasında olan dövlət sərhədi boyunca, həmçinin də Qarabağda atəşkəs rejiminin intensiv pozulması, İrandan Qarabağda Rusiya sülhməramlılarının nəzarəti altında olan ərazilərə yüklərin daşınması fonunda baş tutub.

Məsələyə Rusiya XİN-in sözçüsü Mariya Zaxarova da reaksiya verib. Ənənəvi brifinq zamanı jurnalistin Laçın dəhlizi yaxınlığında keçirilmiş təlimlərlə bağlı sualını cavablandıran Mariya Zaxarova Rusiyanın mövqeyinin Azərbaycan tərəfinə çatdırıldığı və Azərbaycanda partnyorların bunu anlaşıqlı qarşıladığını deyib. Həmçinin əlavə deyib ki, açıq ictimai şərh verməyə ehtiyac yoxdur.

Sosial şəbəkələrdə ekspertlər qeyd ediblər ki, bu cavab Rusiyanın təlimlərin keçirilməsi faktından bərk narazı qaldığının göstəricisidir. Bununla belə, şərhçilər hesab edirlər ki, Azərbaycanla vəziyyəti gərginləşdirməmək üçün Zaxarova ictimaiyyətə açıq şərh verməyib. Onlar hesab edirlər ki, Rusiya Azərbaycanla bu tip məsələləri pərdəarxası danışıqlarla həll edir.

Mariya Zaxarova

Mariya Zaxarova

Источник: https://ruinformer.com/

“Rəsmi Bakı həm qorxur, hər də qorxutmağa çalışır”

İsveçrədə mühacirətdə yaşayan, politoloq Rauf Mirqədirov, məsələni Meydan TV-yə şərh edərək deyib ki, erməni təfərinə veriləcək elə bir ciddi mesaj olmadığından, bu təlimləri məhz Rusiyaya göndərilən mesaj kimi qəbul etmək olar.

“Bu, Bakının Ankarayla hərbi əməkdaşlığının daha sıx olmasının göstəricisi idi. Demək istəyirlər ki, Azərbaycanda Rusiyadan başqa Türkiyə qoşunlarını da yerləşdirə bilərik və buna imkanlarımız var”, - Rauf Mirqədirov deyib.

Politoloq da hesab edir ki, Mariya Zaxarovanın sözügedən cavabı narazılıq ifadəsi idi. Onun sözlərinə görə, Moskvanın, o cümlədən, Tehranın mövqeyi ondan ibarətdir ki, region dövlətləri bölgəyə daxil olmayan digər dövlətlərin hərbi qüvvələrinin yerləşdirilməsinin əleyhinədirlər.

“Onlar bölgədə Türkiyə hərbçiləri ilə birgə təlimlərin keçirilməsini də istəmirlər. Moskva Bakının diqqətinə həmişə daha ciddi təsir imkanlarının olduğunu çatdırmağa çalışır. Ona görə də demək istəyirlər ki, müəyyənləşdirdikləri “qırmızı xətti” keçməyin”, - politoloq qeyd edib.

Bununla belə o, hesab edir ki, rəsmi Bakı Moskvadan müəyyən güzəştlər əldə etmək istəyir və bunun üçün əlində müxtəlif variantların olduğunu nümayiş etdirməyə çalışır.

Rauf Mirqədirov

Rauf Mirqədirov

Источник: Meydan.TV

Rauf Mirqədivorun sözlərinə görə, rəsmi Bakı həm də Moskvanın təhdidlərindən qorxur, çünki hazırda Rusiya və İranla hərbi münaqişəyə girəcək dövlət deyil.

“Amma hakimiyyət Rusiyanın Azərbaycanın maraqlarına zidd siyasətini də başa düşür. Bu siyasət hökumətin daxildə mövqelərini zəiflətdiyindən, hakim elitanın da maraqlarına uyğun deyil. Ona görə Bakı bu cür təlimlərlə alternativlərin görüntüsünü yaratmağa çalışır və bunu Moskvanın nəzərinə çatdırır. Yəni həm qorxuruq, həm də qorxutmağa çalışırıq”, - Rauf Mirqədirov bildirib.

“Hərbi təlimlərin keçirilməsi Azərbaycanın daxili işi və hüququdur”

Azərbaycan Silahlı Qüvvələrinin Hərbi Akademiyasının sabiq rəis müavini, ehtiyatda olan polkovnik Şair Ramaldanov Meydan TV-yə deyib ki, beynəlxalq hüquq normaları çərçivəsində hər bir ölkə belə tədbirləri öz daxili işi və hüququ sayır.

“Təlimlərin ermənilərin yaşadığı yerlərə yaxın keçirilməsi məsələsinə gəldikdə, onlar da Azərbaycanda yaşayır və təlimlərin keçirildiyi bölgələr də bizim ərazimizdir”.

Ekspertin fikrincə, Mariya Zaxarovanın bu tip ikibaşlı bəyanatlarla çıxış etdiyi ilk dəfə deyil.

Şair Ramaldanov

Şair Ramaldanov

Источник: Şair Ramaldanovun şəxsi arxivindən

Təlimlərin keçirilmə xarakteri və məqsədlərinə dair danışan ehtiyatda olan zabit qeyd edib ki, bütün təlimlərin döyüş hazırlığı proqramı var.

“Proqramda da müxtəlif məşğələlər və metodiki növlərlə aparılan dərslər olur. Bunların sonunda keçirilən döyüş hazırlığının səviyyəsini yoxlamaq üçün məhz təlimlər gerçəkləşdirilir. Ona görə də Azərbaycan ordusunun təlimləri də bölük, tabor səviyyəsində olan taktiki təlimlərdir, irimiqyaslı deyil. Bu təlimlərdə iştirak üçün 100 nəfərdən 300-400 nəfərə kimi şəxsi heyət cəlb olunur. Təlimlər həm proqramdan irəli gələn ssenari üzrə aparılır, həm də bu gün bütün dünyada anti-terror əməliyyatı ilə bağlı suallar təlimlərə daxil edilir. Ona görə də terrorçuluqla mübarizə sualı da hərbi təlimlərin ssenarisinə də daxil edilməmiş olmaz”, - Şair Ramaldanov deyib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/480koe

Самое читаемое