Göyçayın Qaraməryəm kəndi

Источник: meydan tv

Оглавление: Göyçayın Qaraməryəm kəndi

Qaraməryəm sakinləri: Örüş yerlərimizi daş karxanalarına çeviriblər

Kənd sakinlərinin deməsinə görə, gecə-gündüz qayaları, dağları çapıb, daşı, torpağı ''Kamaz''lara yükləyib daşıyırlar

“Qoyun-quzunun, mal-qaranın yemlənməsi üçün otlaq sahələrimiz qalmayıb. Kəndin kənarındakı 5 hektardan çox örüş yeri zəbt olunub. Bələdiyyə sədri saxta sənədlə həmin sahələri iş adamlarına icarəyə verib, aylıq haqq alır. Həmin adamlar da ərazini çapıb, talayıb, daşını, torpağını daşıyırlar. O ərazi Daşınmaz Əmlakın Dövlət Reyestr Xidmətində həmin ərazi örüş sahəsi kimi qeydiyyatdadır”.

Göyçayın Qaraməryəm kənd sakinləri Meydan TV-yə kəndin ərazisindəki örüş sahələrinin əllərindən alınaraq daş karxanaları işlədən sahibkarlara verilməsindən gileylənirlər. Onların deməsinə görə, hazırda daş karxanaları kimi isitifadə olunan ərazilərdə uzun illər yüzlərlə mal-qara, qoyun-quzu otarılıb. İndi həmin ərazilər heyvanlar üçün təhlükəyə çevrilib:

“Hər yeri çapıb töküblər. Heyvanlar yaylaq kimi istifadə olunan ərazilərə qalxa bilmirlər. Çünki oraları çapırlar, iritonajlı yük maşınları gedib-gəlir. Heyvanlar otlamağa gedəndə istər-istəməz daş karxanalarına çevrilmiş nöqtələrdən keçməli olurlar. Təsəvvür edin ki, eyni yerdə həm daş karxanaları fəaliyyət göstərir, həm də qoyun-quzu otlayır. Səs-küy heyvanları hürküdür, pərən-pərən düşürlər. Səsdən hürküb qaçanda qayalardan yıxılıb tələf olurlar. Günün çox hissəsini karxanaların tozunu udan heyvan necə sağlam qala bilər? Sonra da o xəstə heyvan kəsilir, bazarda əhaliyə satılır...”

“Sənəd üzərində örüş, gerçəkdəsə daş karxanasıdır”

Başqa kənd sakini Vidadi Babayev də durumdan narazıdır. Deyir, illərdir ki, heyvanların otarıldığı ərazilər indi təhlükəyə çevrildiyindən kəndlilər heyvanları tövlələrdə saxlamağa məcburdular. Bu isə kəndlilərə maddi zərər vurur:

“Heyvanlarını otlaq sahələrinə buraxmayan kəndlilər məcburdular ki, heyvanlarını qapalı şəraitdə saxlayıb yemləsinlər. Yemi də pulla alırlar. Çöldə isə heyvan təbii, təzə otla qidalanır, arxlardan su içir... Əlbəttə ki, indiki şəraitdə saxlanan heyvan nə ət verər, nə bala, nə süd... Bir neçə adam karxanadan pul qazanır deyə, bütün kənddə heyvandarlıq məhv olur. O karxanaların icarəhaqqısı, vergisi ödənilirmi, bu da sual altındadır. Çünki o ərazilər sənəd üzərində otlaq sahələri kimi qeyd olunub, realda isə karxana kimi istifadə edilir”.

kənd yolu

kənd yolu

Источник: meydan.tv

Sakinlər deyir, karxanaların fəaliyyəti üstəlik, təbiətə də zərər vurur. Qazıntılar, çapmalar zamanı yaşıllıqlar məhv edilir. Bundan başqa, günün 24 saatı karxanalardan daş, torpaq daşıyan ağır tonajlı maşınlar kəndin yollarını da yararsız vəziyyətə salıb. Sakinlər deyir, torpaqla, daşla dolu yük maşınları hər gün Ucar, Zardab istiqamətinə yollanır. Daş və torpaqdan yol çəkilişlərində istifadə olunur.

Rayon prokuroru məsələylə maraqlanıb

Kənd sakinləri karxananın fəaliyyəti ilə bağlı Fövqəladə Hallar Nazirliyinə, Ekologiya və Təbii Sərvətlər Nazirliyinə, rayon prokurorluğuna rəsmi müraciət ediblər.

Göyçay Rayon İcra Hakimiyyətindən bildirilib ki, Səbuhi Quliyevin şikayətləri ilə əlaqədar Ekologiya və Təbii Sərvətlər Nazirliyinin, Fövqəladə Hallar Nazirliyinin nümayəndələri onunla görüşüb, əraziyə baxış keçirilib. Müvafiq qərarları da həmin qurumlar verəcək.

Göyçay Rayon Prokurorluğundan bildirilib ki, Səbuhi Quliyev prokurorluğa dəvət olunub, şikayət ərizəsinin araşdırılması üçün izahatı alınıb. Prokuror Muxtar Eminov vətəndaşı qəbul edərək dinləyib, əməkdaşlara Ekologiya və Təbii Sərvətlər Nazirliyinə, Fövqəladə Hallar Nazirliyinə, Dövlət Reyestr Cidmətinin Göyçay şöbəsinə sorğular göndərilməsini tapşırıb.

Qaraməryəm bələdiyyəsinin sədri Fəqan Şamilovun isə münasibətini öyrənmək mümkün olmayıb. Bələdiyyə sədri bu barədə sualı eşidən kimi dəstəyi asıb.

Rəsmi qurumlar əraziyə baxış keçirib, amma...

Səbuhi Quliyev deyir, daş karxanalarını işlədənlər heç rəsmi qurumları da saymır:

Ekologiya və Təbii Sərvətlər Nazirliyi

Ekologiya və Təbii Sərvətlər Nazirliyi

Источник: meydan.tv

“Ekologiya və Təbii Sərvətlər Nazirliyinin “qaynar xətt”inə müraciət edəndən sonra 8 saylı Regional Ekologiya və Təbii Sərvətlər İdarəsinin Göyçay üzrə nümayəndəsi gəldi. Birlikdə əraziyə yollandıq, həmin vaxt ərazidə qızğın iş gedirdi. Nümayəndə onlardan sənəd istədi, təqdim etmədilər. Mən də gələn adama dedim, bax, gəldin, heç səni də saymadılar, bu işlərin axırı necə olacaq? Çiyinlərini çəkdi. Dedi, nəticə haqqında rəsmi məktub yazıb göndərəcəyik sənə. Fövqəladə Hallar Nazirliyinin Aran Regional Mərkəzindən gələn nümayəndə də həmin ərazidə oldu, fotolar çəkdi, dedi, ərazidə təhlükəsizlik qaydalarına riayət olunmur. Ancaq gəlib baxsanız görərsiniz ki, karxana sahibləri heç bir qurumu saymır, öz işlərindədir”.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/4crshp

Самое читаемое