Polis "Futbol +" qəzetinin əməkdaşlarının aksiyasına mane olub

Источник: Komanda.az

Оглавление: Polis "Futbol +" qəzetinin əməkdaşlarının aksiyasına mane olub

Polis "Futbol +" qəzetinin əməkdaşlarının aksiyasına mane olub

Статья обновлена:  23 Май 2019

Mülki geyimlilər və polis jurnalistləri ərazidən uzaqlaşdırıb

Mayın 23-də “Futbol +” idman qəzetinin əməkdaşları Prezident Administrasiyası qarşısında aksiya keçirməyə cəhd edib. Səbəb Kütləvi İnformasiya Vasitələrinə Dövlət Dəstəyi Fondunun bu il qəzetə maliyyə yardımı ayırmaqdan imtina etməsidir. Polis və mülki geyimlilər jurnalistləri ərazidən uzaqlaşdırıblar.

Bu barədə Meydan TV-yə danışan qəzetin baş redaktoru Mahir Rüstəmli bildirib ki, qəzetlərinə edilən maliyyə yardımı dayandırıldığından aprelin 1-dən hüquqlarının bərpası uğrunda mübarizə aparırlar:

“Hazırda ən çox satılan qəzet “Futbol +”dur. Bu mənada fondun hüquqlarını ən çox pozduğu qəzet də biz sayılırıq. Bəhanə edirlər ki, “Futbol +” ictimai-siyasi qəzet deyil. Halbuki, fondun maliyyə ayırdığı qəzetlər sırasında ictimai-siyasi mövzulardan uzaq nəşrlər var".

Baş redaktor deyir ki, aprelin 1-də onları qəbul edib, deyiblər ki, yaxın günlərdə bir izahat verəcəklər. Verdikləri sözün üstündən 1 ay ötüb, ancaq cavab yoxdur:

"Vəziyyət qeyri-müəyyəndir. Bu gün biz Prezident Administrasiyası qarşısına doğru getmək istəsək də, imkan vermədilər. Hətta qəzetimizin və digər media orqanlarının jurnalistlərinə qarşı zorakılıq etdilər”.

Mahir Rüstəmli mayın 24-də Prezident Administrasiyasının ictimai-siyasi şöbəsinin müdir müavini Vüqar Əliyevlə görüşəcəyini bildirib:

“Bundan sonra vəziyyətə uyğun qiymət verəcəyik. Hər halda, etiraz aksiyalarımızı davam etdirəcəyik. Kollektivin hüquqları uğrunda mübarizə aparacağıq”.

"Futbol+" qəzeti 1997-ci il oktyabrın 21-dən çıxır. Qəzetin təsisçisi Vüqar Məmmədov, baş redaktoru Mahir Rüstəmlidir.

"Futbol +" əvvəllər həftədə 1 dəfə işıq üzü görüb. 1998-ci ilin martından isə həftədə 2 dəfə nəşr olunmağa başlayıb. Sonrakı illərdə dövrülük 3, 4, 2009–cu il fevralın 1-dən isə 5 dəfəyə çatdırılıb.

Qəzetin 30-a yaxın əməkdaşı, bir neçə bölgədə müxbiri var. "Futbol+"un "Bukmeyker" adlı əlavəsi isə müstəqil qəzetə çevrilib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  23 Май 2019
Pазделы:  
Короткие линки:   http://mtv.re/jb9twl

Самое читаемое