Vəkil Nemət Kərimli

Источник: Facebook

Оглавление: Vəkil Nemət Kərimli

Nemət Kərimli: Məni həbsxanada 45-50 dəqiqə girov saxladılar

Hazırda həbsdə olan jurnalist Əfqan Muxtarlının vəkili Nemət Kərimli müvəkkilinin saxlanıldığı 16 saylı Cəzaçəkmə Müəssisəsində təzyiqlə üzləşdiyini deyir. Bu barədə öz “Facebook” hesabında yazan vəkilin sözlərinə görə, sentyabrın 20-də Əfqan Muxtarıl ilə görüşə gedib. Təxminən 45 dəqiqə gözlədikdən sonra onu içəri buraxıblar və üzərində axtarış aparmaq istəyiblər:

“Əvvəl razılaşmasam da, gərginlik yaratmamaq üçün icazə verdim, qanunsuz olaraq ayaqqabımın içini, corablara qədər axtarış etdilər. Görüşdən çıxarkən yenidən üzərimdə axtarış aparmaq istədilər. Qərar tələb etdim, dedilər, axtaracağıq. Kimisə çağırdılar, özünü rəis müavini kimi təqdim edən Emin adlı şəxs gəldi. Yenidən qərar tələb etdim, “hamını axtarırıq, icazəmiz var” dedi, söhbətdən sonra baxış keçirtməyə icazə verdim”.

Vəkilin sözlərinə görə, yoxlayıcılar qeydləri oxumaq istədikdə icazə verməyib. Bundan sonra özünü rəis müavini kimi təqdim edən şəxsin təzyiqinə məruz qalıb:

“Yenidən Emin müdaxilə etdi və dedi ki, rəis səni çağırır, qəbuluna gedək. Mən imtina etdim, o, yəni Emin zorla köynəyimin yaxasından dartdı, divara tərəf möhkəm itələdi, “sən kimsən?, bura müəssisədir, sənə göstərərəm, kimə istəsən şikayət et, qəsdən skandal yaradırsan” deyib, qışqıra-qışqıra zorla rəisin yanına aparmaq istədi. İmtina etdim, əlimdəki çantanı zorla əlimdən aldı, içərisindəkiləri stolun üstünə tökdü, 2 vərəq başqa məhkəmə prosesindən olan və digər şəxsi qeydlərimi götürüb oxudu. Sonra rəisə mərüzə etdi və sənədləri onun yanına apardı. Məni təxminən 45-50 dəqiqə otaqların birində girov saxladılar. Sonradan sənədlərimi verib, yola saldılar”.

Demokratik dövlətdə belə halın baş vermədiyini, olarsa həmin şəxslərin cəzalandırıldığını diqqətə çatdıran vəkil sentyabrın 23-də bu barədə rəsmi şikayət edəcəyini vurğulayıb.

Meydan TV məsələyə Penitensiar Xidmətdən münasibət öyrənə bilməyib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/8qzqgk

Самое читаемое