Источник: Meydan Tv

“Müdafiə Xətti” Şəhla Hümbətova ilə bağlı qərarı pisləyir

Статья обновлена:  5 Март 2021

“Siyasi məhbusların müdafiəsini yüksək peşəkarlıqla yerinə yetirən vəkillər hökumətin diqtəsi ilə vəkillik fəaliyyətindən məhrum edilib”

“Müdafiə Xətti” Təşkilatı Bakı İnzibati Məhkəməsinin vəkil Şəhla Hümbətova ilə bağlı qərarını pisləyir.

Təşkilatın yaydığı bəyanatda deyilir ki, müstəqil hüquqşünaslara, sərbəst vəkillərə qarşı həyata keçirlən repressiv tədbirlər, vəkillik institutunu icra hakimiyyətinin əlavəsinə çevirmək üçün atılan addımlar yolverilməzdir.

Martın 5-də Bakı İnzibati Məhkəməsi vəkil Şəhla Hümbətovanın vəkilliyinə xitam verilməsi ilə bağlı Vəkillər Kollegiyasının iddiasına baxaraq təmin edib.

“Şəhla Hümbətova peşəkar vəkil, prinsipial hüquqçu kimi cəmiyyətdə, xüsusilə, hüquq ictimaiyyətində tanınmış hüquqşünasdır. O, hakimiyyətin sifarişi ilə həbs edilən siyasi və vicdan məhbuslarının müdafiəsini cəsarətlə, yüksək peşəkarlıqla və etibarlı şəkildə təşkil edib.

Şəhla Hümbətova ötən ilin martında ABŞ Dövlət Departamentində illik Beynəlxalq Cəsarətli Qadınlar mükafatına layiq görülüb.

Müdafiə Xətti dərin narahatçılıqla bildirir ki, Azərbaycan hakimiyyəti ölkədə sərt üsul-idarəni möhkəmləndirmək istiqamətində növbəti addımlarını atır. Hakimiyyətlər bölgüsü pozulur, hakimlərin müstəqilliyi təmin olunmur, məhkəmələrin cinayət, mülki, inzibati və s. işlərə baxarkən faktlara əsaslanmaması, qərəzsiz, ədalətli, obyektiv araşdırma aparmaması adi xarakter daşıyır. Xüsusilə, məhkəmələrdə çəkişmə prinsipi pozulur, siyasi yüklü cinayət işlərinin istintaqı zamanı ittiham və müdafiə tərəfinin hüquqları bərabər şəkildə təmin edilmir, hər kəsin yüksək keyfiyyətli hüquqi yardım almaq hüququ gözlənilmir”, - bəyanatda qeyd olunub.

“Müdafiə Xətti” qeyd edir ki, hökumət cəmiyyəti yüksək xidməti məziyyətlərə sahiblik edən, peşəkar və vicdanlı vəkillərin müdafiəsindən məhrum etməkdə maraqlı görünür:

“Ali icra hakimiyyəti orqanı sərbəst hüquqi iradəsini qoruyub saxlayan, istintaq və məhkəmə orqanlarının növbətçi vəkilinə çevrilməyən hüquqşünasları cəzalandırmaq xətti seçir. Bu prosesdə Vəkillər Kollegiyası hökumətin kobud hüquqi əlavəsi kimi özünü büruzə verir. Bu günədək hakimiyyətin nəzarətindən kənarda olan, sərbəst hüquqi düşüncə və iradə nümayiş etdirən, bir çox vicdan və siyasi məhbusların müdafiəsini yüksək peşəkarlıqla yerinə yetirən vəkillər hökumətin diqtəsi ilə vəkillik fəaliyyətindən məhrum edilib”.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  5 Март 2021
Bölmələr:  
Короткие линки:   http://mtv.re/isghxs

Самое читаемое