Источник: hromadske

Mixail Saakaşvili: Mən həbsdən qorxmuram, şəxsən Gürcüstana bu seçkilərdə iştirak etməyə gələcəm

Статья обновлена:  8 Сентябрь 2021

Məqalə JAMnews saytında dərc olunub.

Gürcüstanın üçüncü prezidenti Mixail Saakaşvili xüsusi videomüraciətində oktyabrın 2-də keçiriləcək yerli özünüidarə orqanlarına seçkilərdə iştirak etmək üçün ölkəyə qayıdacağını bəyan edib.

“Xaricdə yaşayan bütün həmvətənlərimi seçki günü məzuniyyət götürüb, vaxt ayırıb və kim necə bacarır – quru və ya hava yol nəqliyyatı ilə – birgə Gürcüstana gəlməyə çağırmaq istərdim”, – Saakaşvili deyib.

O, həbs olunmaqdan qorxmadığını deyir, çünki gürcü xalqının onu və özünü azad edəcəyindən əmindir. Saakaşvilinin qeyd etdiyi kimi, marşrutunu və konkret vaxtı daha sonra açıqlayacaq:

“Bildiyiniz kimi, mənə qarşı cinayət işi açılıb. Mənsə hər yerə, o cümlədən Gürcüstanla qonşu ölkələrə gedirəm, məni hər yerdə qəbul edirlər və heç yerdə heç kəs vətənimdə mənə qarşı qaldırılan bu işlər barədə heç nə danışmır”.

Üçüncü prezidentin sözlərinə görə, o “bütün bunları tamamilə aşkar şəkildə edəcək” və qarşıdakı seçkilərdə müxalifətin qələbəsinə “gerçəkdən də heç bir alternativ yoxdur”.

O, həmçinin bəyan edib ki, hazırkı hakim partiyaya qarşı heç bir “revanş” olmayacaq.

Eyni zamanda, Saakaşvilinin sözlərinə görə, “İvanişvili (hakim partiyanın qeyri-rəsmi lideri) oğurladığı hər şeyi qəpiyinədək qaytaracaq. O, anaları və ataları xaricə qaçmış uşaqların, məhsullarını sata bilməyən kəndlilərin,valyuta iki dəfə və daha çox dəyərdən düşdüyü üçün kredit götürüb qaytara bilməyən insanların zərərini ödəyəcək. Mən bunu gürcü xalqına vəd edirəm”.

Avqustun 8-də Gürcüstanın hazırkı Baş naziri İrakli Qabribaşvili Ukraynada prezident Vladimir Zelenski ilə görüşüb. Qabribaşvili görüşdən bir gün əvvəl Gürcüstanın üçüncü prezidenti Mixail Saakaşvili haqqında bəyanat verib.

“Onu qarşılamaq və məhbəsdə ona komfort təmin etmək üçün böyük qalstuk kolleksiyamız var”, – Qaribaşvili deyib.

Mixail Saakaşvili hazırda Ukrayna vətəndaşıdır. O, Ukraynanın prezidenti Vladimir Zelenski tərəfindən 2020-ci il mayın 7-də Ukrayna Milli Şurasının İcra Komitəsinin sədri təyin olunub.

Sabiq prezident Mixail Saakaşvili sonuncu dəfə ötən il avqustun 27-də Gürcüstana qayıdacağını bəyan edib.

Gürcüstan hakimiyyəti Mixail Saakaşvili ilə bağlı axtarış elan edib. O, Gürcüstanda Sandro Qirqvlianinin qətli ilə bağlı cinayət işinin dəlillərinin gizlədilməsinə və deputat Valeri Qelaşvilinin döyülməsinin təşkil edilməsinə görə qiyabi olaraq ittiham edilib. Gürcüstan qanunvericiliyi məhbuslara və məhkum olunanlara dövlət xidmətində işləməyi qadağan edir.

Gürcüstanda yerli öznüidarə orqanlarına seçkilər oktyabrın 2-nə təyin edilib. Müxalifət bu seçkilərdə qələbə çalmaqla növbədənkənar parlament seçkilərinə də nail olacağına ümid bəsləyir.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  8 Сентябрь 2021
Bölmələr:  
Короткие линки:   http://mtv.re/cvjz09

Самое читаемое