"Ərazidə xeyli əlvan metal vardı, hamısını daşıyıb satdılar"

Источник: Meydan TV

Başlıq: "Ərazidə xeyli əlvan metal vardı, hamısını daşıyıb satdılar"

“Kəpəzdə hərbi hissənin satılmış ərazisindəki yaşıllıq məhv edilir”

Sakinlərin deməsinə görə, hərbi hissənin 200 hektarlıq ərazisinin 2 hektarı bir şəxsə satılıb, o, ağacları kəsməklə ərazidə “təmizlik işləri” aparır

“Gəncədə dəmiryolu yaxınlığındakı hərbi hissənin ərasizində bir nəfər böyük sahəni alıb, satışa çıxarıb. Bu işi görməyi tapşırdığı “makler” də ərazidəki ağacları kəsib satır, beləcə, “təmizlik işi” apardığı hissələri satışa çıxarır. Ərazinin bir hissəsindəki ağacları “makler” kəsib satır, bir hissəsindəkiləri də bu yaxınlarda Samuxdan gəlib, kəsib Samuxa daşıdılar”.

Bunu Meydan TV-yə Gəncənin Kəpəz rayonunun sakinləri deyir. Onların sözlərinə görə, Gəncə şəhəri, Kəpəz rayonu, Azərbaycan küçəsi 97a ünvanda yerləşən təxminən 100 hektarlıq ərazinin 2 hektarı bir nəfərə satılıb. O da ərazinin ağaclardan təmizlənib hissə-hissə başqalarına satılmasını daşınmaz əmlakın alqı-satqısı ilə məşğul olan başqa birisinə həvalə edib. Sakinlərin iddiasına görə, qısa müddətdə 60-dan çox yaş ağac kəsilərək daşınıb.

“Su nasosu, borular, xeyli əlvan metal satılıb”

“Təkcə ağaclar kəsilmir, hərbi hissənin su nasosu, su xətləri satılıb. Ərazidə xeyli əlvan metal vardı, hamısını daşıyıb satdılar. Hələlik 60 ağac kəsilib, ancaq ərazidə kəsilməsi planlaşdırılan hələ çoxlu ağac var”.

"100 hektarlıq ərazinin 2 hektarı bir nəfərə satılıb"

"100 hektarlıq ərazinin 2 hektarı bir nəfərə satılıb"

Источник: Meydan TV

Sakinlər Təbii Sərvətlər və Ekologiya Nazirliyinə müraciət ediblər. Onların müraciətindən sonra 10 saylı Regional Ekologiya və Təbii Sərvətlər İdarəsinin əməkdaşları gəlib:

“Birinci dəfə gəlib baxıb getdilər, ikinci dəfə iyunun 29-da yenə gəldilər, bildirdilər ki, ağacların bir qismini kəsən şəxslər – yəni ərazini alan şəxs bunu etiraf edib. Hərbi hissənin ərazisinə düşən ağacların kim tərəfindən kəsildiyi ilə bəlli deyil”.

“Ağac, metal alveri bəs deyil, ev tikəndən də “şirinlik” tələb edirlər”

Kəpəz sakini Kamil Qasımov deyir, o da həmin ərazidən ev tikmək üçün sahə alıb. Ancaq tikinti məsələsində problemlə üzləşib:

"Hərbi hissənin ərazisinə düşən ağacların kim tərəfindən kəsildiyi ilə bəlli deyil”.

"Hərbi hissənin ərazisinə düşən ağacların kim tərəfindən kəsildiyi ilə bəlli deyil”.

Источник: Meydan TV

“Biri ağac kəsib satır, biri metal satır, biri də gəlir ki, aldığın torpaqda ev tikmək istəyirsən, əvvəlcə bizə şirinlik ver. Aldığım torpağın sənədi var, torpağın mülkiyyətçisiyəm, layihəm var, tikintiyə başlamışam, icra hakimiyyətinin işçiləri gəlib narahat edir, pul istəyir. Deyirlər, əvvəl gəl bizə “şirinlik” ver, bizimlə razılaşdır, sonra tikinti apar”.

Kamil Qasımov Baş Prokuror Yanında Korrupsiyaya Qarşı Mübarizə İdarəsinin “161” Qaynar Xəttinə də zəng vuraraq şikayət etdiyini, ancaq şikayətinin hələ də nəticəsiz qaldığını deyir.

10 saylı Regional Ekologiya və Təbii Sərvətlər İdarəsindən Meydan TV-yə bildirilib ki, ağacların bir qismini kəsən şəxs məsuliyyətə cəlb olunacaq. Digər qismini kəsən şəxsin müəyyən edilməsi üçün isə idarə hüquq-mühafizə orqanlarına müraciət edəcək.

Kəpəz Rayon İcra Hakimiyyətindən Meydan TV-yə bildirilib ki, hərbi hissə illər əvvəl həmin ərazidən köçürülüb. Ərazinin hərbi hissənin hazırda Müdafiə Nazlirliyinin balansında olub-olmadığı ilə bağlı məlumat verilməyib. Meydan TV müxbiri məsələyə Müdafiə Nazirliyinin münasibətini öyrənə bilməyib.

"Hərbi hissənin ərasizində bir nəfər böyük sahəni alıb, satışa çıxarıb"

"Hərbi hissənin ərasizində bir nəfər böyük sahəni alıb, satışa çıxarıb"

Источник: Meydan TV

"Digər qismini kəsən şəxsin müəyyən edilməsi üçün isə idarə hüquq-mühafizə orqanlarına müraciət edəcək"

"Digər qismini kəsən şəxsin müəyyən edilməsi üçün isə idarə hüquq-mühafizə orqanlarına müraciət edəcək"

Источник: Meydan TV

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/o9y0n1

Самое читаемое