Hüseyn Abdullayev və anası Zeynəb Abdullayeva

Источник: Foto: Meydan TV

Başlıq: Hüseyn Abdullayev və anası Zeynəb Abdullayeva

Keçmiş deputatın anası: Yalandır, bizim vergi borcumuz yoxdur

“Sizə yuxarıdan nə göstəriş verirlər, onu deyirsiz, onu eləyirsiz”

“Mən Hüseyn Abdullayevə də, özümə də bəraət istəyirəm. Qısa sözüm budur...”, - keçmiş deputat Hüseyn Abdullayevin anası Zeynəb Abdullayeva yanvarın 16-da məhkəmədə belə çıxış edib.

Almaniyada siyasi sığınacaq almasına baxmayaraq, Türkiyədə saxlanılıb Azərbaycana gətirilən H.Abdullayev və anasının məhkum edilməsi barədə hökmdən verilmiş şikayətə Bakı Apelyasiya Məhkəməsində hakim Faiq Qasımovun sədrliyilə baxılır.

Yanvarın 16-da məhkəmədə Zeynəb Abdullayevanın vəkili Vasif Mirzəyev müvəkkilinə qarşı ittihamların əsassız olduğunu deyib. O, xüsusilə vergidən yayınma ittihamı üzərində dayanıb. Bildirib ki, bütün epizodlar üzrə vergidən yayınma ittihamı əsassızdır.

Vəkilin sözlərinə görə, ittihamda yazılıb ki, Z.Abdullayevanın rəhbərlik etdiyi “Araz İnşaat” MMC-nin mülkiyyətində olan torpaq sahəsi 13.48 hektar olduğu halda, 4.3 hektarın vergisi ödənilib. Vəkil deyir ki, ittihamda yazılanlar həqiqətəuyğun deyil: “Orada MMC-yə aid sahə elə 4.3 hektardır”.

Müdafiəçi bildirir ki, Z.Abdullayevaya qarşı vergi ittihamlarından biri də müəssisədə işçilərin sayının rəsmi sənədlərdə az göstərilməsidir: “Yazıblar ki, müəssisələrin birində 11 nəfər işləyib, 5 nəfər göstərilib. Birincisi, kimdir qalan 6 nəfər? 1800 manat vergi borcu hesablayıb, ittiham veriblər. İkincisi, 1800 manat vergi ilə bağlı cinayət işinin başlanması üçün əsas ola bilməz. Vergidən yayınma ilə bağlı cinayət işi başlanması üçün məbləğ 20 min manatdan yuxarı olmalıdır.

Yazırlar ki, Zeynəb Abdullayeva Hüseyn Abdullayevlə birlikdə qara metallurgiya biznesilə məşğul olub, vergidən yayınıb. Bircə sübut yoxdur, ancaq sözdən ibarətdir ittiham”.

Vəkil Zeynəb Abdullayevaya bəraət verilməsini, onun əmlaklarının müsadirə olunması barədə qərarın ləğv olunmasını istəyib.

Vergilər Nazirliyinin nümayəndəsi isə mülki iddianı müdafiə edib. O bildirib ki, vergi borcunun qanunsuz hesablanması, əsassız olması barədə vəkilin dediklərilə razılaşmır.

“Sizə yuxarıdan nə göstəriş verirlər, onu deyirsiz, onu eləyirsiz. Allahdan qorxun. Bizim heç bir vergi borcumuz yoxdur. Yalan yazılıb”, - deyə Zeynəb Abdullayeva ona cavab verib.

Hüseyn Abdullayev və anasının apelyasiya şikayəti üzrə məhkəmə yanvarın 29-da davam edəcək. Növbəti məhkəmə iclasında prokuror çıxış edəcək.

H.Abdullayev ötən ilin aprelində İstanbulda saxlnılıb. O, Bakı Hərbi Məhkəməsinin hökmüylə hədə-qorxu ilə tələbetmə, cinayət yoluyla əldə olunan pulların leqallaşdırılması, dələduzluq, vergidən yayınma ittihamlarıyla təqsirli bilinib və 6 il azadlıqdan məhrum edilib.

H.Abdullayev ittihamları rədd edir, tənqidi fikirlərinə görə ondan qisas almaq, əmlaklarını mənimsəmək məqsədilə həbs olunduğunu bildirir.

Oğlu ilə birlikdə mühakimə olunan Z.Abdullayevaya isə 4 min manat cərimə cəzası kəsilib. O, ölkədən çıxışına qadağa qoyulduğu üçün bacısının pasportu ilə xaricə gedib-gəldiyinə görə sərhədi qanunsuz keçməkdə təqsirli bilinib. Lakin Z.Abdullayeva həm sərhədi qanunsuz keçmə, həm də digər ittihamları rədd edir.

H.Abdullayev 2012-ci ildə ölkəni tərk edərək, Almaniyada sığınacaq alıb. Bundan sonra onun anasının anasının ölkədən çıxışına qadağa qoyulub, özünün barəsində cinayət işi başlanıb.

H.Abdullayev xüsusən “Susma” marşına görə təzyiqlərə məruz qaldığını açıqlamışdı.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/a9wdxf

Самое читаемое