Müdafiə Nazirliyi: “Əsgər silahla davranış qaydalarının kobud şəkildə pozulması nəticəsində həlak olub”
Azərbaycan Ordusunun hərbi qulluqçusu, əsgər Şamil Mais oğlu Aslanov həlak olub. Faktı Müdafiə Nazirliyi təsdiqləyib. Nazirliyin məlumatında deyilir ki, ilkin ehtimala görə əsgər silahla davranış qaydalarının kobud şəkildə pozulması nəticəsində həlak olub.
Beyləqandakı "N" saylı hərbi hissədə xidmət edən Ş.Aslanov əslən Qusar rayonunun Sudur kəndindəndir. Yaxınlarının Meydan TV-yə verdiyi məlumata görə, Şamil Aslanov əsgər yoldaşı Vüsal Zakir oğlu Cəfərov tərəfindən açılan güllə nəticəsində yerindəcə keçinib. Əslən Şəkidən olan Vüsal Cəfərov isə həbs edilib.
Faktla bağlı araşdırma aparıldığı bildirilir.
