Baş Prokurorluq

Источник: Meydan TV

Başlıq: Baş Prokurorluq

“Əgər hökumətə həbs etmək üçün günahsız adamlar lazımdırsa, bizi tutsun...”

Qarabağ yürüşünə görə həbs olunanların valideynləri Baş Prokurorluğun qarşısına toplaşdı

Qarabağa dəstək yürüşünə görə həbs olunanların, o cümlədən Azərbaycan Xalq Cəbhəsi Partiyasının (AXCP) fəallarının valideynləri və digər yaxınları avqustun 10-da Baş Prokurorluğun qarşısına toplaşıblar. Bildiriblər ki, həbs edilən ailə üzvləri haqda heç bir məlumat ala bilmirlər, onların yaxınlarıyla telefon əlaqəsi və görüşmək hüququ məhdudlaşdırılır.

Həbs olunan cəbhəçilərin yaxınları deyir ki, onların arasında elələri var, ümumiyyətlə, həmin yürüşdə iştirak etməyib. Onlar AXCP Rəyasət Heyətinin üzvləri Fuad Qəhrəmanlı, Məmməd İbrahim, Bəxtiyar İmanov və digərlərinin adlarını çəkiblər:

“Övladlarımız haqqında heç bir məlumat ala bilmirik. Birincisi, bu adamlar günahsızdır. İkincisi, hətta ən ağır cinayətdə ittiham olunan şəxslərin də hüquqları var, təmin olunmalıdır. Nə telefonla danışa bilirik, nə görüşə bilirik. Onlara işgəncə verilməsi barədə məlumatlar var. Necədilər, bilmirik. Belə haqsızlıq, belə hüquqsuzluq olmaz axı...”.

Valideynlərdən bir neçəsi deyib ki, əgər hökumətə günahsız adamları həbs etmək lazımdırsa, onları tutub, övladlarını buraxsınlar.

“Əgər erməniyə güllə atmaq, Qarabağı istəmək cinayətdirsə, o zaman mən də cinayətkaram. Məni da həbs eləsinlər. Mən 1988-ci ildən Şuşadan başlayaraq, Azərbaycanın bütün ərazi bütövlüyü uğrunda döyüşlərdə iştirak etmişəm. Altı il ermənilərə qarşı vuruşmuşam”, - deyə Ramid Nağıyevin atası Zikrulla Nağıyev bildirib.

Koronavirus yayma ittihamıyla həbs olunan Məhəmməd İmanlının atası da oğlunun günahsız olduğunu vurğulayıb.

“Oğlum günahsızdır, həbsinin yeganə səbəbi cəbhəçi olmasıdır. Mən də cəbhəçiyəm. Gəlib məni də tutsunlar...”, - bunu isə Baba Süleymanovun anası Sabiqə Paşayeva deyib.

Baş Prokurorluqda şikayətçilərə bildirilib ki, onları İstintaq İdarəsinin rəisi Nemət Əvəzov qəbul edəcək. Valideynlər Baş Prokurorluğun İstintaq İdarəsinə yollanıblar.

Qarabağ yürüşü üzrə başlanmış cinayət işinin istintaqı Baş Prokurorluğun İstintaq İdarəsində aparılır. Qarabağa dəstək yürüşünə görə həbs olunanların sayı barədə rəsmi açıqlama yoxdur. AXCP bu cinayət işi üzrə 17 fəalının həbs edildiyini açıqlayıb. Yürüşdən sonra daha 16 nəfər cəbhəçiyə isə inzibati qaydada 30 sutkalıq həbs cəzası verilib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/9v4bbw

Самое читаемое