Dağıstandan Azərbaycana daha 250 nəfər buraxılıb

Dağıstan rəhbəri Vladimir Vasilyev və Rusiya prezidenti Vladimir Putin arasında videokonfrans zamanı bildirilib ki, Rusiya höküməti Dağıstan-Azərbaycan sərhəddində səhra düşərgəsini daha bir ay saxlayacaq.

Source: Foto: İnterfaks


“Çadır düşərgəsində 250 Azərbaycan vətəndaşı qalır”

Dağıstanın Kullar qəsəbəsi yaxınlığında yaradılmış çadır düşərgəsində olan azərbaycanlılardan daha 250 nəfər iyunun 30-da ölkəyə buraxılıb.

“Turan” İnfromasiya Agentliyinin məlumatına görə, hazırda Dağıstanda 250 nəfər Azərbaycan vətəndaşı buraxılış gözləyir.

Dağıstan rəhbəri Vladimir Vasilyev və Rusiya prezidenti Vladimir Putin arasında videokonfrans zamanı bildirilib ki, Rusiya höküməti Dağıstan-Azərbaycan sərhəddində səhra düşərgəsini daha bir ay saxlayacaq.

Azərbaycan prezidentinin müşaviri Hikmət Hacıyev də Dağıstandan vətəndaşların böyük bir qrupunun keçdiyini təsdiqləyib.

Koronavirus pandeimyası ilə əlaqədar Azərbaycanla Rusiya arasında sərhəd bağlandıqdan sonra yüzlərlə Azərbaycan vətəndaşı Kullar qəsəbəsində ölkəyə buraxılmaq üçün toplaşmışdı. Şəraitsizlikdən əziyyət çəkən Azərbaycan vətəndaşları vətənə buraxılmalarını tələb edirdilər. İlk mərhələdə azərbaycanlılar 100-120 nəfərlik qruplarla iki həftədən bir Azərbaycana buraxılırdılar. Yaranmış vəziyyətdən narazı qalan vətəndaşlar iyunun 15-də axşam saatlarında etiraz aksiyası keçiriblər. Aksiya Rusiya OMON-u tərəfindən

dağıdılıb

.

Aksiyada xəsarət alanlar olub. 70-dən çox insan saxlanılsa da, 10 nəfər haqqında cinayət işi qaldırılıb, 80-ə yaxın Azərbaycan vətəndaşı qısamüddətli inzibati saxlanmalara məhkum edilib ki, onların da çoxu artıq müddət bitdiyinə görə azad

edilib

.

Müstəqil KİV-in qiymətləndirmələrinə görə, etiraz aksiyalarında iştirak etmiş 400 Azərbaycan vətəndaşının təxminən yarısı etirazçıların dağıdılması zamanı polis zorakılığı ilə üzləşib.

Ana səhifəSiyasətDağıstandan Azərbaycana daha 250 nəfər buraxılıb