Samir Şərifov və Elman Rüstəmov

Источник: Meydan tv

Оглавление: Samir Şərifov və Elman Rüstəmov

Cahangir Hacıyev Samir Şərifovla Elman Rüstəmovu məhkəməyə çağırdı

Статья обновлена:  14 Май 2019

''Böyük məbləğli kreditlərin sazişi məhkəməyə gətirilsin''

"Azərbaycan Beynəlxalq Bankı" ASC-nin keçmiş rəhbəri, 2015-ci ilin dekabrından həbsdə olan Cahangir Hacıyev maliyyə naziri Samir Şərifov, müavini Azər Bayramov, Mərkəzi Bankın sədri Elman Rüstəmovun məhkəmədə dindirilməsini tələb edir. O, hesab edir ki, bu adamlar dindirilmədən Beynəlxalq Bank işi üzrə ədalətli, obyektiv qərarlar vermək mümkün deyil. Çünki bank bu şəxslərin nəzarətində olub. Mərkəzi Bank hər il bankın fəaliyyətini yoxlayıb, nəticələrə baxıb.

Maliyyə naziri Beynəlxalq Bankın səhmdarlarının Ümumi Yığıncağına rəhbərlik edib. Bankın İdarə Heyəti bu Yığıncağın qərarıyla formalaşdırılıb. Yəni İdarə Heyətinin üzvlərini bu vəzifəyə Səhmdarların Ümumi Yığıncağı təyin edib. Cahangir Hacıyev 2001-2015-ci illər ərzində 4 dəfə İdarə Heyətinin sədri seçilib.

Beynəlxalq Bankın fəaliyyətinə həm də bankın Müşahidə Şurası nəzarət edib. Müşahidə Şurasının sədri də maliyyə nazirinin müavini olub.

C.Hacıyevin vəkili Fəxrəddin Mehdiyev bu şəxslərin dindirilməsi barədə vəsatətləri mayın 13-də Bakı Ağır Cinayətlər Məhkəməsində hakim Faiq Qəniyevin sədrliyilə keçirilən məhkəmədə qaldırıb.

"Beynəlxalq Bankın idarə olunmasında bu şəxslərin birbaşa iştirakı olub. İdarə Heyətinə Müşahidə Şurası nəzarət edib. Əgər onlar dindirilməsə, deməli, məhkəmə istintaqı yarımçıq aparılıb”, - deyə vəkil bildirib.

Cahangir Hacıyev

Cahangir Hacıyev

Источник: meydan.tv

F.Mehdiyev məhkəmənin Beynəlxalq Banka sorğu göndərərək, illik hesabatları alması barədə də vəsatət verib.

C.Hacıyev vəsatətləri müdafiə edib. O, vəkilinin qaldırdığı məsələlərdən əlavə, araşdırılan böyük məbləğli kreditlərin sazişlərinin də məhkəməyə gətirilməsini istəyib: "Görək ki, ittihamda yazılan rəqəmlərlə uyğun gəlirmi?"

C.Hacıyev bildirib ki, 2015-ci ildə DİN-in Baş Mütəşəkkil Cinayətkarlıqla Mübarizə İdarəsinə məktub göndərib. Orada banka kimin nə qədər borcu olması barədə cədvəl də əksini tapıb.

Keçmiş bankir bildirib ki, ittihamda Beynəlxalq Bankın maliyyələşdirdiyi layihələrdən bəhs olunur. Ancaq həmin layihələrlə bağlı qiymətləndirmə aparılmayıb: "Bizim qaldırdığımız məsələlər araşdırılmadan düzgün qərar vermək absurddur".

Məhkəmə vəsatətləri təmin etməyib.

Proses mayın 20-də davam edəcək.

C.Hacıyev 2015-ci il dekabrın 4-də həbs olunub. O, 2016-cı ildə Bakı Ağır Cinayətlər Məhkəməsinin hökmü ilə 15 il azadlıqdan məhrum edilib. C.Hacıyev Beynəlxalq Bankın vəsaitlərinin mənimsənilməsində təqsirli bilinib.

Hazırda həmin məhkəmədə onun haqqındakı ikinci cinayət işi üzrə araşdırmalar gedir. Ona və digər təqsirləndirilən 21 nəfərə qarşı Cinayət Məcəlləsinin 179.3.2 (külli miqdarda ziyan vurmaqla mənimsəmə) maddəsilə ittiham irəli sürülüb. C.Hacıyevə mənimsəmədən əlavə, sənədlərin saxtalaşdırılması, vergidən yayınma, cinayət yoluyla əldə olunmuş vəsaitlərin leqallaşdırılması kimi ittihamlar da verilib.

Lakin o, özünü təqsirli bilmir.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  14 Май 2019
Pазделы:  
Короткие линки:   http://mtv.re/ga5dmd

Самое читаемое