Avropa Məhkəməsi

Источник: Foto: Meydan tv

Başlıq: Avropa Məhkəməsi

Avropa Məhkəməsi QHT-lərin işi ilə bağlı kommunikasiyaya başlayıb

Şikayətlərdən ikisi AİHM-ə (İREX və RATİ) 2015-ci ildə göndərilib

Avropa İnsan Haqları Məhkəməsi (AİHM) Beynəlxalq Tədqiqatlar və Mübadilələr Şurası (İREX), Reportyorların Azadlığı və Təhlükəsizliyi İnstitutu (RATİ) və Rahim Vəliyevin şikayətini araşdırmağa başlayıb.

Bu barədə məlumatı məhkəmənin saytı yayıb.

Məlumatda bildirilir ki, araşdırılan şikayətlər yerli və xarici QHT-lərin ofisində axtarış aparılması, götürmə həyata keçirilməsi, habelə vətəndaş cəmiyyəti fəallarının axtarışa məruz qalması ilə bağlıdır.

Şikayətlərdən ikisi AİHM-ə (İREX və RATİ) 2015-ci ildə göndərilib. Şikayətlərdə bu təşkilatların ofisində axtarış aparlmasının, avadanlıqların, təşkilatın sənədlərinin götürülməsinin qanunsuz olması iddia olunur.

RATİ-nin işində vurğulanır ki, dövlət bütün bu prosesləri reallaşdırarkən Konvensiyanın 6-cı (ədalətli məhkəmə), 8-ci (şəxsi və ailə həyatına hörmət), 11-ci (toplaşmaq)və 18-ci (hüquqlarla bağlı məhdudiyyətlərdən istifadənin hədləri) maddələrini və Konvensiyanın 1 saylı protokolunun 1-ci maddəsini pozub.

İREX-in işində isə Konvensiyanın 6, 8, 18-ci, eləcə də mülkiyyət hüququnun pozuntusu mübahisələndirilir.

Kommunikasiya edilən 3-cü şikayəti vətəndaş cəmiyyəti fəalı Rahim Vəliyev göndərib. O, axtarışa məruz qalması, kompüterinin, telefonunun götürülməsinin qanunsuzuluğundan şikayət edib.

Rahim Vəliyev ədalətli məhkəmə, şəxsi və ailə həyatına hörmət, ifadə azadlığı, mülkiyyət hüquqlarına müdaxilə olunduğunu iddia edir.

AİHM hər 3 işlə bağlı hökumətə suallar göndərib.

Noyabrın 7-də isə AİHM Azərbaycandan göndərilmiş daha bir şikayət üzrə qərarını elan edəcək. Söhbət ReAL Partiyasının idarə heyətinin üzvü Natiq Cəfərlinin şikayətindən gedir.

Şikayət 2014-cü ilin aprelində Natiq Cəfərliyə cinayət işi açılması, hüquq-mühafizə qurumlarında dəfələrlə sorğu-sual edilməsi, 2016-cı ilin avqustunda həbs olunması ilə bağlıdır. Həmin vaxt ona qanunsuz sahibkarlıq və vəzifə səlahiyyətlərindən sui-istifadə cinayətləri üzrə ittiham irəli sürülmüş, məhkəməyə qədər 4 aylıq həbs edilmişdi. Rəsmi ittihamda iddia edilirdi ki, o, ABŞ-ın Demokratiya Milli Dəstək Fondundan (NED) aldığı fərdi qrantın qanuni qeydiyyat prosedurlarını pozub, Ədliyyə Nazirliyinə bəyan etməyib.

Natiq Cəfərli həmin il sentyabrın 9-a kimi həbsdə tutulub, həmin tarixdə prokurorun müraciəti əsasında azadlığa buraxılıb.

O, AİHM-ə şikayətində iddia edib ki, ona cinayət işi açılması kontekstində baş verən proseslərdə Konvensiyanın 3-cü (işgəncəyə məruz qalmamaq), 5-ci (azadlıq və toxunlumazlıq), 11-ci (birləşmək), və 18-ci (hüquqlarla bağlı məhdudiyyətlərdən istifadənin hədləri) maddələri ilə təminat altına alınan hüquqlarına müdaxilə olunub.

Şikayət hökumətlə 2018-ci ilin martında kommunikasiya edilib.

Son 4 il ərzində xeyli beynəlxalq və yerli QHT-lərin Azərbaycandakı fəaliyyəti məhdudlaşdırıldı. Eləcə də 16 illik fəaliyyətdən sonra Beynəlxalq Tədqiqatlar və Mübadilələr Şurası (IREX) Bakı nümayəndəliyini bağladı.

IREX 1998-ci ildən bəri fəaliyyət göstərdiyi müddətdə Azərbaycanda təhsilə, medianın inkişafına, internet infrastrukturunun genişlənməsinə dəstək olub. Bununla bağlı müxtəlif dövlət və hökumət, eləcə də kommersiya və qeyri-kommersiya qurumları ilə sıx əməkdaşlıq edib.

Bağlanan təşkilatlar sırasında Reportyorların Azadlığı və Təhlükəsizliyi İnstitutu (RATİ) da var. RATİ-nin ofisində əvvəlcə axtarış aparıldı, kompüterlər, disklər və digər texniki avadanlıqları götürüldü, sonra da qapısı möhürləndi.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/ckbucm

Самое читаемое