Zahid Oruc

Source: Foto: arxiv

Caption: Zahid Oruc

Zahid Oruc: Yeni parlament Milli Məclisin vaxtından tez buraxılmasını daha dolğun şəkildə əks etdirəcək

Sosial Tədqiqatlar Mərkəzi parlamentlə bağlı araşdırma aparıb

Sosial Tədqiqatlar Mərkəzinin rəhbəri Zahid Oruc parlamentin özünü buraxması ifadəsini qəbul etmir və “folklor üzərindən siyasi hadisələri qiymətləndirmək doğru olmaz” deyə bildirib.

Ancaq mərkəz sədri başqa adla da bu hüquqi termini tapıb söyləməyin mümkün olmadığını etiraf edib.

O, bu barədə Meydan TV-yə danışarkən bildirib.

Zahid Oruc dünyada parlamentlərin buraxılmasının geniş yayılmış praktika olduğunu xatırladaraq Milli Məclisin mühüm hakimiyyət qolu kimi cəmiyyətdə yeri ilə bağlı araşdırmalar apardıqlarını deyib:

“Bunlar meyarlar üzrə təmsilçiliyin hansı səviyyədə həyata keçirilməsi, qanunvericilik təşəbbüsləri, bu layihələrin qəbul olunmaq dərəcəsi, ictimai-siyasi məkanda fəallıq, media üçün əlçatanlıq, deputatın seçildiyi ərazi üzrə fəaliyyətinin həyata keçlirilməsi, seçici təşəbbüslərinin ictimailəşdirilməsi və hökumət orqanları qarşısında qaldırılmasıdır. Biz mərkəz olaraq bu istiqamətdə araşdırma aparmışıq. Təbii ki, mərkəzin işi hər bir aparılan araşdırmaları, sənədləri cəmiyyətə təqdim etmədən də müvafiq dövlət orqanlarına göndərməklə həyata keçirilir. Əlbəttə, bir mərkəz çərçivəsində bu iş görülmür, media da mərkəz üzvlərinə qarşı tələbkar dəyərləndirmələr aparır. Bunun içərisində obyektiv və subyektiv məqamlar da var. Xüsusilə ideoloji-siyasi fərqlərə görə subyektivizm üstünlük təşkil edir. Bəzən çox qəddar reaksiyaların şahidi oluruq. Hər bir halda parlamentin buraxılması o deməkdir ki, hakim partiya bu cür cəsarətli addımda bulunmaqla cəmiyyətdən gələn istəkləri nəzərə alıb”.

Zahid Oruc hesab edir ki, yeni formalaşacaq parlament əvvəl mövcud olan qanunverici orqanın vaxtından tez buraxılmasını daha dolğun şəkildə əks etdirəcək.

Növbəti parlament seçkiləri 2020-ci ilin noyabrında keçirilməli idi. 2019-cu il dekabrın 2-də də parlamentdə çoxluq təşkil edən Yeni Azərbaycan Partiyasından olan deputatların təşəbbüsü ilə Milli Məclis onun buraxılması və növbədənkənar seçkilərin təyin olunması xahişi ilə prezidentə müraciət edib. Dekabrın 5-də prezident növbədənkənar seçkilərin 2020-ci il fevralın 9-na təyin edilməsi ilə bağlı sərəncam imzalayıb.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/g925eh

Most Viewed