Oleksiy Honçaruk

Source: Foto: google.az

Caption: Oleksiy Honçaruk

Ukraynanın Baş naziri istefa verməyə hazırlaşır

Nazirlərin Prezidenti tənqid edən səs yazısının yayıldığı deyilir

Ukraynanın Baş naziri Oleksiy Honçaruk (Honcharuk) cümə günü istefa ərizəsini təqdim edib. “Reuters” xəbər verir ki, o, bu addımı onun prezidenti tənqid etdiyini söyləyən səs yazısı ortaya çıxdıqdan sonra atıb.

Prezident Vladimir Zelenski (Volodymyr Zelenskiy) istefa ərizəsini cümə günü nəzərdən keçirəcək, - Prezident Administrasiyası bildirib.

Honçarukun mövqeyi ilə bağlı mübahisələr bu həftə Prezident Zelenskinin iqtisadiyyatla əlaqəli biliksizliyini müzakirə edən bir adamın səsi mesajlaşma kanallarında yayıldıdan sonra başlayıb. Mümkündür ki, bu səs dekabr ayında Baş nazir, Maliyyə naziri və Ukrayna Milli Bankının (NBU) rəhbərinin birgə iclasında qeydə alınıb.

Zelenski öncədən komediya aktyoru olub və bundan öncə onun heç bir siyasi təcrübəsi olmayıb. Keçən il seçkilərdə qalib gəlmiş Zelenski ölkədə korrupsiyaya qarşı ictimai qəzəbin alovlandığı bir dövrdə hakimiyyəti ələ alıb.

Honçaruk cümə günü qeyd edib ki, səs qeydi hökumət iclaslarında deyilənlərin fərqli fraqmentlərinin birləşməsidir.

“Onun tərkibi süni şəkildə elə təəssürat yaradır ki, mənim komandam və mən siyasi liderimiz olan Prezidentə hörmət etmirik”,- Honçaruk sosial mediada deyib. O, səs yazmasında eşidilənin onun səsi olub-olmadığını deməyib.

Mərkəzi Bank rəsmiləri və Maliyyə naziri məsələyə münasibət bildirməyiblər.

Açıqlamasından dərhal sonra “Reuters”-in həqiqətən onun istefa vermək niyyətində olub- olmadığını haqda sualına Honçaruk deyib: “Dərhal nəticələrə atlamayın”.

Bundan öncəki prezidentlik dönəmində Baş nazir vəzifəsini icra edən Vladimir Groysmana da istefa verməsi təhdidləri olmuşdu. Lakin o, daha sonra Zelenskinin partiyasının qazandığı seçkilərə qədər vəzifəsində qala bilmişdi.

Keçən ilin avqust ayında vəzifəsinə təyin olunan Honçaruk istefa məktubunu Prezidentin ona olan etimadını sınamaq üçün bir vasitə olaraq istifadə etdiyini söyləməkdən imtina edib.

Kiyevdən olan politoloq Vladimir Fesenko məsələyə münasibət bildirib: “Bu, Baş nazirin istefasını göstərmək niyyəti deyil, əksinə onun vəzifəsində qalması üçün mübarizə aparmaq üçün bir yoldur”.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/udn8e2

Most Viewed