Perunun eks-prezidenti rüşvət iddialarına görə intihar edib

Alan Qarsiya özünü güllələyib

Source: Meydan TV


Alan Qarsiya özünü güllələyib

Perunun sabiq prezidenti Alan Qarsiya rüşvət iddiaları əsasında həbs olunması üçün evinə gələn polisə görə özünü güllələyərək öldürüb,- BBC xəbər verir.

Qarsiya paytaxt Lima şəhərində təcili xəstəxanaya çatdırılsa da, həyatını xilas etmək mümkün olmayıb. Onun ölümü indiki prezident Martin Vizarra tərəfindən təsdiqlənib.

Bir qrup Qarsiya dəstəkçisi xəstəxananın qarşısında toplanıb. Polis asayişi qorumağa çalışır.

Qarsiya braziliyalı inşaat şirkəti olan “Odebrext”dən rüşvət almaqda ittiham olunurdu. O, iddialarl inkar edirdi.

Polislər iddialarla əlaqədar olaraq onu həbs etmək üçün evinə göndərilmişdi.

Daxili işlər naziri Karlos Moran jurnalistlərə bildirib ki, polis gəldikdə, Qarsiya telefonla zəng etmək üçün otağa keçib və qapını bağlayıb.

“Dəqiqələr sonra silah səsi eşidilib”, -Moran deyib: “Polis qapını açmağa çalışıb və Qarsiyanı başında güllə yarası ilə birlikdə oturacaqsa ölü tapıb”.

Ana səhifəDünyaPerunun eks-prezidenti rüşvət iddialarına görə intihar edib