Peter Handke

Source: Foto: arxiv

Caption: Peter Handke

Nobel mükafatçısı Peter Handke boykot edilir

Türkiyə də boykota etmək üçün Albaniya və Kosovaya qoşulduğunu bəyan edib

Dekabrın 10-da Türkiyə mərhum serb Slobodan Miloşeviçi dəstəklədiyi üçün tənqid olunan 2019-cu ilin ədəbiyyat mükafatı laureatı Peter Handkeyə etiraz olaraq Nobel mükafatlandırma mərasimini boykot etmək üçün Albaniya və Kosovoya qoşulduğunu bəyan edib, - RFE/RL xəbər verir.

Türkiyənin İsveçdəki səfiri Hakki Emre Yunt dekabrın 9-da “Hürriyət”ə verdiyi açıqlamada ən azı iki anti-Handke nümayişinin ertəsi günü Stokholmda keçiriləcək mükafatlandırma mərasimində iştirak etməyəcəyini bildirib.

Bu həftəsonu Türkiyə hökumətinin rəsmisi İsveç Akademiyasını Handkeni mükafatlandırma qərarını dəyişdirməyə çağırıb.

Kosovonun vəzifəsindən ayrılan Xarici işlər naziri Behgjet Pacolli “Bosniya və Kosovada Miloşeviçin soyqırımını dəstəkləyən bir yazıçının Nobel mükafatına layiq olmadığını” bildirərək qeyd edib ki, o, İsveçdəki səfirinə mükafatlandırma mərasimini boykot etməsi üçün göstəriş verib.

Albaniyanın Xarici işlər naziri Gent Çakaj da eyni addımı atıb və “Yuqoslaviyanın parçalanması zamanı müharibə vəhşilikləri mükafatlandırılmamalıdır” yazaraq tvit atıb.

Yüzlərlə insanın Stokholmun mərkəzindəki Norrmalmstorg Meydanında Handke əleyhinə etiraz aksiyası üçün bir araya gələcəyi gözlənilir. Digər bir nümayişin isə mükafatlandırma mərasiminin keçirildiyi Stokholm konsert salonu xaricində olacağı planlaşdırılır.

İsveç Akademiyası oktyabrın 10-da 77 yaşlı Handkeni Ədəbiyyat üzrə Nobel Mükafatı ilə “dil biliklərilə ətrafı və insan təcrübəsinin spesifikliyini araşdıran nüfuzlu əsərə görə” mükafatlandırıb.

Handkenin bu mükafata layiq görülməsi Balkanların bir çox yerində, o cümlədən dünyanın başqa ölkələrində də qəzəblə qarşılanıb. Handke 2006-cı ildə Miloşeviçin cənazə törənində keçmiş prezidenti məth etmişdi.

Miloşeviç 1990-cı illərdə Yuqoslaviyanın parçalanmasından sonrakı münaqişələr zamanı törədilən soyqırım və digər müharibə cinayətlərinə görə BMT-nin Hollandiyadakı müharibə cinayətləri məhkəməsi tərəfindən mühakimə edilərkən ölüb.

Handke 6 dekabrda Stokholmdakı mətbuat konfransında Miloşeviçi niyə dəstəkləməsi ilə bağlı sualları cavablandırmayıb. “Mən ədəbiyyatı sevirəm, fikirləri yox”, - deyə o cavab verib.

Handkeyə dekabrın 10-da rəsmi olaraq 935 min dollar mükafat təqdim ediləcək.

İsveçdəki bütün səfirlər mərasimə dəvət olunub.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/9r1raz

Most Viewed