İranda nümayişlər

Source: AFP

Caption: İranda nümayişlər

İran nümayişçiləri təyyarə qəzası ilə bağlı küçələrə axışıb

Article was updated on :  13 January 2020

Sosial mediada yayımlanan videolarda “Diktatora ölüm!” şüarları səslənir

Nümayişçilər bazar ertəsi günü, etirazların üçüncü günündə İran küçələrinə axışaraq hökumətin ABŞ ilə qarşıdurma əsnasında sərnişin təyyarəsini təsadüfən vurduqlarını etiraf etməsinə qarşı etirazlarını bildirib, -“Reuters” xəbər verir.

İrandan əldə edilən videoda iki gün davam edən hökumət əleyhinə nümayişlərdən sonra çevik polislərin və etirazçıların hələ də küçələrdə olduğu görünür. Öncəki etirazların görüntülərində ali liderə qarşı şüarlar səsləndirilib, küçələrdə qan hovuzları görüntülənib və havada silah səsləri eşidilib.

Hakimiyyət nümayəndələri polisin atəş açdığını inkar edib. ABŞ prezidenti Donald Tramp “Tweet” edərək “etirazçıları öldürməyin” deyib.

İran hökumətinə qarşı təşkil edilmiş nümayişlər 1979-cu il İran inqilabından bəri ABŞ və İran arasında baş vermiş eskalasiyanın ən son manevrası hesab edilir.

Tehran çərşənbə günü 176 nəfərin ölümü ilə nəticələnmiş Ukrayna təyyarəsini səhvən vurduğunu etiraf edib. Bundan öncə İran Trampın əmriylə İranın ən güclü hərbi komandirini öldürməsinə cavab olaraq ABŞ-ın bölgədəki bazalarına atəş açmışdı.

İranın ictimai qəzəbi İran hakimiyyəti şənbə gününə qədər qəzanın məsuliyyətini qəbul etmədiyi üçün günlərdir davam edir. Şənbə günü İran hərbçiləri qəzada öz rolunu etiraf edib.

Bazar günü axşam saatlarında yayımlanan videolarda Tehranın Azadi Meydanında keçirilmiş nümayişlərin yaxınlığında silah səsləri qeydə alınıb. Yaralılar insanlar tərəfindən daşınır və təhlükəsizlik işçilərinin tüfənglə ətrafda şütüdüyü görünür. Digər postlarda yaxınlıqdakı insanların çevik polislərə doğru səsləri eşidilir,: “Onları döymə!”

Sosial mediada yayımlanan videolarda “Diktatora ölüm!” şüarları səslənir. Etirazçıların qəzəbinin Ali lider Ayətullah Əli Xameney və dini sistemə qarşı yönəldiyi bildirilir.

“Onlar elitamızı öldürdülər və onları din xadimləri ilə əvəz etdilər”,- nümayişçilər bazar ertəsi günü bir universitetin qarşısında təşkil edilmiş etiraz nümayişində bildiriblər. Onların açıq şəkildə uçuşda öldürülənlər arasında olan, Kanadaya təhsilə qayıdan iranlı tələbələrə istinad etdiyi bildirilir.

“Reuters” görüntüləri müstəqil olaraq təsdiq edə bilmir. Dövlətə bağlı media qurumları şənbə və bazar günləri Tehranda və digər şəhərlərdə baş tutmuş etirazları əlavə məlumat vermədən yayıb.

“Etiraz aksiyalarında polis qətiyyən atəş açmırdı, çünkü paytaxtdakı polis məmurları təmkinli olmaq əmrlərini yerinə yetirirdi”, -Tehran polisinin rəhbəri Hüseyin Rəhimi dövlət televiziyasına verdiyi açıqlamada bildirib.

İranın ABŞ-la hesablaşması Tehrandakı hökumət və Yaxın Şərqdəki müttəfiqlər üçün təhlükəli bir vaxta təsadüf edir. Bundan öncə Trampın tətbiq etdiyi sanksiyalar İran iqtisadiyyatına ciddi zərbə endirib.

Ötən ilin noyabrında İran hakimiyyəti 1979-cu il inqilabından bəri hökumət əleyhinə təşkil edilmiş ən gərgin etirazlarda yüzlərlə etirazçını qətlə yetirib.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  13 January 2020
Featured in:  
Shortlink:   http://mtv.re/9yc0q5

Most Viewed