İcra başçısı 300-ə yaxın itin sığınacağını bağlamaq istəyir

300-ə yaxın itin saxlanıldığı sığınacaq bağlana bilər. Xəzər Rayon İcra Hakimiyyətinin başçısı Gülağa İslamov bağ evini itlər üçün ayıran Eldar Mansurovu məhkəməyə verib. İcra başçısı Mansurovun ev heyvanı saxlamaq hüququndan məhrum edilməsini istəyib. Səbəb kimi qonşuluqda yaşayan insanların narahatlığını və antisanitar şəraiti göstərib.

Məhkəməyə verilən ev sahibi Eldar Mansurovun oğlu Fərid Mansurov Azərbaycan Heyvanların Müdafiəsi İctimai Biriyinin heyvan haqları üzrə inzibatçısıdır. Sığınacaq onun təşəbbüsü ilə üç il əvvəl açılıb. Yaralı itlər bu sığınacağa gətirilir, müalicə olunur və sahibləndirilir. Şikayətlər isə itlərin sayı çoxaldıqca başlayıb.

Sığınacağın qonşuluğunda yaşayan sakinlər itlərin ayrı yerə köçürülməsini istəyirlər.

Fərid Mansurov bildirir ki, itləri insanların verdiyi ianələr hesabına saxlayırlar. Onlar itlərə başqa yerdə sığınacaq ayrılması üçün şifahi şəkildə Xəzər rayon İcra Hakimiyyətinə müraciət ediblər. İcra hakimiyyəti nümayəndələri sığınacaq üçün yer vermək hüququna malik olmadıqlarını deyiblər. Bunun üçün Bakı şəhər İcra Hakimiyyətinə müraciət etməyi məsləhət görüblər.

Xəzər Rayon İcra Hakimiyyətindən suallarımıza cavab verən olmadı. İtlərin sığınacaqdan çıxarılması iddiasına isə 28 sentyabrda Xəzər rayon Məhkəməsində baxılacaq.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/ac4t1c

Most Viewed